കോഴിക്കോട്: ജില്ലയിലെ ജനവാസ മേഖലയായ ആവിക്കൽ തോട് പ്രദേശത്തെ മലിനജല സംസ്‌കരണ പ്ളാന്റ് നിർമാണത്തിനെതിരെ നാട്ടുകാരുടെ പ്രതിഷേധത്തിൽ സംഘർഷം. ഇന്ന് ജനകീയ സമിതി പ്രവർത്തകർക്ക് നേരെ പോലീസ് ലാത്തിച്ചാർജ് ഉണ്ടായി. കല്ലേറും കണ്ണീർവാതക പ്രയോഗവും അടക്കം പ്രദേശത്തെ സ്‌ഥിതി കനത്ത സംഘർഷാവസ്ഥയിൽ ആണ്.
ജനസാന്ദ്രത കൂടുതലുള്ള പ്രദേശത്ത് ശുചിമുറി മാലിന്യ പ്ളാന്റ് സ്‌ഥാപിക്കുന്നതിനെതിരെ മാസങ്ങളായി പ്രതിഷേധം നടക്കുന്ന പ്രദേശമാണിത്. ഇന്ന് മൂന്ന് വാർഡുകളിൽ സമര സമിതിയുടെ നേതൃത്വത്തിൽ ഹർത്താൽ ആചരിക്കുകയാണ്. പ്രദേശത്ത് മുൻപ് രണ്ടു തവണ സർവേ നടത്താൻ വന്ന ഉദ്യോഗസ്‌ഥരെ തടഞ്ഞിരുന്നു. തുടർന്ന് കനത്ത പോലീസ് സന്നാഹത്തോടെ ഒരാഴ്‌ച മുൻപ് സർവേ തുടങ്ങിയിരുന്നു. ഇതോടെയാണ് പ്രദേശവാസികൾ പ്രതിഷേധവുമായി രംഗത്തെത്തിയത്.
Most Read: കെഎസ്ആർടിസി ശമ്പള വിതരണം; 65 കോടി സർക്കാർ സഹായം തേടി മാനേജ്‌മെന്റ്
