ന്യൂഡെൽഹി: കോൺഗ്രസ് ഇടക്കാല അധ്യക്ഷ സോണിയ ഗാന്ധി ആശുപത്രി വിട്ടു. കോവിഡ് സങ്കീർണതകളെ തുടർന്ന് ജൂൺ 12നാണ് സോണിയ ഗാന്ധിയെ ഡെൽഹിയിലെ ഗംഗാറാം ആശുപത്രിയിൽ പ്രവേശിപ്പിച്ചത്.
സോണിയ ഗാന്ധിയെ ആശുപത്രിയിൽ നിന്ന് ഡിസ്ചാർജ് ചെയ്തതായും, വീട്ടിൽ വിശ്രമിക്കാൻ നിർദ്ദേശിച്ചതായും കോൺഗ്രസ് നേതാവ് ജയറാം രമേഷ് ട്വീറ്റ് ചെയ്തു.
കള്ളപ്പണം വെളുപ്പിക്കൽ കേസുമായി ബന്ധപ്പെട്ട് എൻഫോഴ്സ്മെന്റ് ഡയറക്ടറേറ്റിന് (ഇഡി) മുമ്പാകെ ഹാജരാകാൻ സോണിയ ഗാന്ധിയോട് നേരത്തെ ആവശ്യപ്പെട്ടിരുന്നു. ജൂൺ 8ന് ഇഡിക്ക് മുമ്പാകെ ഹാജരാകാൻ ആയിരുന്നു സോണിയയോട് ആവശ്യപ്പെട്ടത്. എന്നാൽ ജൂൺ 1ന് കോവിഡ് സ്ഥിരീകരിച്ചതിനെ തുടർന്ന് ഇഡിയിൽ നിന്ന് സമയം തേടുകയായിരുന്നു. തുടർന്ന് ജൂൺ 23ന് ഏജൻസിക്ക് മുന്നിൽ ഹാജരാകാൻ ആവശ്യപ്പെട്ട് ഇഡി സോണിയ ഗാന്ധിക്ക് പുതിയ സമൻസ് അയച്ചു.
Congress President Smt. Sonia Gandhi has been discharged from Sir Ganga Ram Hospital this evening and advised rest at home.
— Jairam Ramesh (@Jairam_Ramesh) June 20, 2022
Most Read: മിതാലി രാജിന്റെ ജീവിതകഥ പറയുന്ന ‘ഷബാഷ് മിതു’; ട്രെയ്ലർ പുറത്ത്