ചെന്നൈ : തമിഴ്നാട് തീരത്തേക്ക് ശ്രീലങ്കയിൽ നിന്നും ആയുധങ്ങളുമായി ബോട്ട് തിരിച്ചെന്ന് രഹസ്യാന്വേഷണ ഏജൻസികൾക്ക് വിവരം ലഭിച്ചു. തമിഴ്നാട്ടിലെ രാമേശ്വരം തീരത്തേക്ക് ബോട്ട് യാത്ര തിരിച്ചെന്നാണ് ലഭിച്ച വിവരം. ഇതിനെ തുടർന്ന് തമിഴ്നാട് തീരത്ത് കർശന സുരക്ഷ ഏർപ്പെടുത്തി.
കഴിഞ്ഞ ദിവസമാണ് ശ്രീലങ്കയിൽ നിന്നുള്ള മയക്കുമരുന്ന് സംഘത്തെ ഇന്ത്യൻ സേന പിടികൂടിയത്. അതിന് പിന്നാലെയാണ് ഇപ്പോൾ ആയുധങ്ങളുമായി തമിഴ്നാട് തീരത്തേക്ക് ശ്രീലങ്കയിൽ നിന്നുള്ള ബോട്ട് യാത്ര തിരിച്ചെന്ന വിവരം ലഭിക്കുന്നത്. ഇതോടെ സുരക്ഷാ സേനയും, കോസ്റ്റ് ഗാർഡും ഉൾപ്പടെയാണ് തീരങ്ങളിൽ സുരക്ഷ ഒരുക്കുന്നത്.
കന്യാകുമാരി, തൂത്തുക്കുടി, ചെന്നൈ, രാമേശ്വരം എന്നീ തീരപ്രദേശങ്ങളിലാണ് ആയുധമേന്തിയ സുരക്ഷാ സേന നിലയുറപ്പിച്ചത്. ഇതിനൊപ്പമാണ് തമിഴ്നാട് തീരത്ത് കോസ്റ്റ് ഗാർഡും നിരീക്ഷണം ശക്തമാക്കിയത്.
Read also : സത്യന് വിടപറഞ്ഞിട്ട് അരനൂറ്റാണ്ട്: മാഷിന്റെ ‘സമയനിഷ്ഠ’ ഇന്നുമെനിക്ക് വിസ്മയം; ഷീല