പാലക്കാട്: ആർഎസ്എസ് നേതാവ് ശ്രീനിവാസന് വധക്കേസില് ഫയര്ഫോഴ്സ് ജീവനക്കാരന് അറസ്റ്റില്. കൊടുവായൂര് സ്വദേശി ജിഷാദാണ് അറസ്റ്റിലായത്. ഇയാൾ സുബൈര് വധത്തിന് പ്രതികാരമായി കൊല്ലേണ്ടവരുടെ ലിസ്റ്റ് തയ്യാറാക്കിയ സംഘത്തിലെ ഒരാളാണെന്ന് പോലീസ് പറയുന്നു.
ഗൂഢാലോചനയില് പങ്കാളിയായ അഗ്നിശമനസേനാ ഉദ്യോഗസ്ഥനാണ് പിടിയിലായതെന്ന് പോലീസ് വ്യക്തമാക്കി. കോങ്ങാട് സ്റ്റേഷനിലെ ഫയർ ഓഫിസറായ ജിഷാദ് 2017 മുതല് സർവീസിലുണ്ട്.
വധ ഗൂഢാലോചനയിൽ പങ്കെടുക്കുകയും വ്യത്യസ്ത ഘട്ടങ്ങളിൽ ജിഷാദ് പ്രതികൾക്ക് സഹായം ചെയ്തതായി കണ്ടെത്തിയെന്നും അന്വേഷണ സംഘം പറഞ്ഞു. അതേസമയം കേസിൽ ഒരാള് കൂടി കഴിഞ്ഞ ദിവസം അറസ്റ്റിലായിരുന്നു. പ്രതികളുടെ വാഹനം പൊളിച്ച ആക്രി കടയുടമയാണ് അറസ്റ്റിലായത്.
Most Read: കെഎസ്ആർടിസി ശമ്പളപ്രതിസന്ധി; വിവിധ സംഘടനകൾ ഇന്ന് യോഗംചേരും