ചെന്നൈ: തമിഴ്നാട്ടിലെ മധുരയിൽ ആളൊഴിഞ്ഞ സ്ഥലത്ത് ഉപേക്ഷിച്ച നവജാത ശിശുവിനെ തെരുവ് നായകൾ ചേർന്ന് കടിച്ചു തിന്നു. ഉസിലംപെട്ടി തേനി റോഡിൽ പൊന്നുസാമി തിയേറ്ററിന് സമീപത്തായാണ് സംഭവം. രക്തക്കറയുള്ള തുണി തെരുവ് നായകൾ കടിച്ച് തിന്നുന്നത് കണ്ട് സംശയം തോന്നിയ നാട്ടുകാർ പോലീസിനെ വിവരമറിയിക്കുകയായിരുന്നു.
തുടർന്ന് പോലീസ് സ്ഥലത്തെത്തി നടത്തിയ പരിശോധനയിലാണ് ചോരക്കുഞ്ഞിനെയാണ് നായകൾ ചേർന്ന് കടിച്ചു തിന്നതെന്ന് കണ്ടെത്തിയത്. പോലീസ് എത്തി നായകളെ ഓടിച്ച് പരിശോധിച്ചപ്പോഴേക്കും കുഞ്ഞിന്റെ ശരീരത്തിന്റെ മുക്കാൽ ഭാഗവും തെരുവ് നായകൾ കടിച്ചു കീറി തിന്ന നിലയിൽ ആയിരുന്നു.
കുഞ്ഞിനെ തുണിയിൽ പൊതിഞ്ഞ് റോഡിൽ ഉപേക്ഷിച്ചതാണെന്നാണ് പോലീസിന്റെ പ്രാഥമിക നിഗമനം. കൂടുതൽ വിവരങ്ങൾക്കായി കുട്ടിയെ കണ്ടെത്തിയ പൊന്നുസാമി സിനിമ തിയേറ്ററിന് സമീപത്തെ സിസിടിവി ദൃശ്യങ്ങള് പരിശോധിച്ച് വരികയാണ്. കൂടാതെ പ്രദേശത്തെ കടകളിലെ സിസിടിവി ദൃശ്യങ്ങളും പോലീസ് പരിശോധിക്കുന്നുണ്ട്.
Read also: യുഎസിനെ നടുക്കി വീണ്ടും വെടിവെപ്പ്; ഒരാൾ കൊല്ലപ്പെട്ടു