കോഴിക്കോട്: മുക്കം ഐഎച്ച്ആർഡി കോളേജിൽ വിദ്യാർഥികൾ തമ്മിലുണ്ടായ സംഘർഷത്തിൽ പോലീസ് അന്വേഷണം ആരംഭിച്ചു. റാഗിങ്ങിനെ ചൊല്ലിയുള്ള തർക്കമാണ് സംഘർഷത്തിൽ കലാശിച്ചത്. സംഘർഷത്തിൽ അഞ്ച് വിദ്യാർഥികൾക്ക് പരിക്കേറ്റിരുന്നു. പുറത്ത് നിന്ന് ആളുകൾ എത്തി വിദ്യാർഥികളെ മർദ്ദിച്ചെന്ന പരാതിയെ തുടർന്നാണ് മുക്കം പോലീസ് കേസെടുത്ത് അന്വേഷണം ആരംഭിച്ചത്.
ഇന്നലെ ഉച്ചയ്ക്ക് ഒരുമണിയോടെയാണ് സംഭവം. രണ്ടാം വർഷ ബികോം വിദ്യാർഥികളും മൂന്നാം വർഷ വിദ്യാർഥികളും തമ്മിലായിരുന്നു സംഘർഷം. ഇരു വിഭാഗങ്ങളും കോളേജിന് മുന്നിൽ ഏറ്റുമുട്ടുകയായിരുന്നു. കോളേജിൽ രണ്ട് ദിവസം മുൻപ് നടന്ന റാഗിങ്ങുമായി ബന്ധപ്പെട്ട് ഇരു വിഭാഗങ്ങളും തമ്മിൽ തർക്കം ഉടലെടുത്തിരുന്നു.
ഇതിന്റെ തുടർച്ചയാണ് ഇന്നലെ നടന്ന സംഘർഷം. പുറത്ത് നിന്നുള്ളവരുമായി എത്തി മർദ്ദിച്ചെന്നാണ് രണ്ടാം വർഷ വിദ്യാർഥികൾ പൊലീസിന് നൽകിയ പരാതി. വടി അടക്കമുള്ള ആയുധങ്ങളുമായാണ് വിദ്യാർഥികൾ തമ്മിൽ ഏറ്റുമുട്ടിയത്.
Most Read: നവവധുവിന്റെ ആത്മഹത്യ: മധ്യസ്ഥ ചർച്ച നടത്തലല്ല പോലീസ് ചെയ്യേണ്ടത്; ബന്ധു