മലപ്പുറം: വിവാഹ വാഗ്ദാനം നൽകി വിദ്യാർഥിനിയെ പീഡിപ്പിച്ച കേസിൽ യുവാവ് അറസ്റ്റിൽ. കുറ്റൂളി അഴിഞ്ഞിലം പാലാഴി വീട്ടിൽ പി അർജുനെ (27) ആണ് വാഴക്കാട് പോലീസ് അറസ്റ്റ് ചെയ്തത്. വിദ്യാർഥിനിക്ക് വിവാഹ വാഗ്ദാനം നൽകി പലതവണ പീഡിപ്പിച്ചിട്ടുണ്ട്. ഇയാൾക്കെതിരെ പോക്സോ ഉൾപ്പെടെയുള്ള വകുപ്പുകൾ ചുമത്തിയാണ് കേസെടുത്തിട്ടുള്ളത്. ഇന്നലെ പുലർച്ചെയാണ് പ്രതിയെ അറസ്റ്റ് ചെയ്തത്.
പ്രതിയുടെ ഒരു ബന്ധുവീടിന് അടുത്താണ് പെൺകുട്ടി താമസിക്കുന്നത്. പീഡന ശ്രമത്തിനിടെ മൊബൈലിൽ വീഡിയോ പകർത്തുകയും സമൂഹ മാദ്ധ്യമങ്ങളിൽ പ്രചരിപ്പിക്കുമെന്ന് പ്രതി കുട്ടിയെ ഭീഷണി പെടുത്തുകയും ചെയ്തിട്ടുണ്ട്. തുടർന്ന് വീട്ടുകാർ അറിയാതെ നിരവധി തവണ പ്രതി കുട്ടിയിൽ നിന്ന് പണം കൈക്കലാക്കിയതായി പോലീസ് പറഞ്ഞു. ഭീഷണി തുടർന്ന സാഹചര്യത്തിൽ വീട്ടുകാർ വാഴക്കാട് സ്റ്റേഷനിൽ പരാതി നൽകിയതിന്റെ അടിസ്ഥാനത്തിൽ ആണ് പ്രതിയെ അറസ്റ്റ് ചെയ്തത്.
Read Also: മുംബൈയിൽ മഴ കനക്കുന്നു; റോഡുകൾ വെള്ളത്തിനടിയിൽ