ന്യൂഡല്ഹി: എസ്.എന്.സി ലാവ് ലിന് കേസ് ഇന്ന് സുപ്രീം കോടതി പരിഗണിക്കും. ഒരിടവേളക്കു ശേഷം സിബിഐ നല്കിയ ഹരജിയിന് മേലാണ് കേസ് ലാവ് ലിന് പരിഗണനക്ക് എത്തുന്നത്. ജസ്റ്റിസുമാരായ യു യു ലളിത്, വിനീത് സരണ് എന്നിവരടങ്ങിയ രണ്ടംഗ ബഞ്ചാണ് കേസ് പരിഗണിക്കുക.
പിണറായി വിജയന്, കെ.മോഹന ചന്ദ്രന്, എ.ഫ്രാന്സിസ് എന്നിവരെ കുറ്റവിമുക്തരാക്കിയ 2013 ലെ ഹൈക്കോടതി വിധി ചോദ്യം ചെയ്ത് സി ബി ഐ നല്കിയ ഹരജിയും ഹൈക്കോടതി വിധി വിവേചനപരമെന്ന് ചൂണ്ടിക്കാട്ടി പ്രതിപട്ടികയിലുള്ള മൂന്ന് ഉദ്യോഗസ്ഥര് നല്കിയ ഹരജികളുമാണ് സുപ്രീം കോടതി മുന്പാകെ നിലവിലുള്ളത്.