സൂററ്റ്: ഗുജറാത്തിലെ സൂററ്റിൽ നിർമാണത്തിലിരിക്കുന്ന കെട്ടിടത്തിന്റെ മതിൽ ഇടിഞ്ഞു വീണ് നാലുപേർ മരണപ്പെട്ടു. ചൊവ്വാഴ്ച ഉച്ചയോടെയാണ് അപകടം നടന്നത്. കെട്ടിടാവശിഷ്ടങ്ങൾക്ക് ഇടയിൽ നിരവധി പേർ കുടുങ്ങി കിടക്കുന്നതായാണ് വിവരം. രക്ഷാ പ്രവർത്തനം പുരോഗമിക്കുകയാണ്.
അപകടത്തിൽ നാലുപേർക്ക് ജീവൻ നഷ്ടമായതായി ജില്ലാ പോലീസ് സൂപ്രണ്ട് ഉഷ രാധ ദേശായി അറിയിച്ചു. മരണപ്പെട്ടവർ കെട്ടിടത്തിലെ തൊഴിലാളികൾ ആണെന്നും ബിഹാർ സ്വദേശികൾ ആണെന്നും പോലീസ് സൂപ്രണ്ട് വ്യക്തമാക്കി. രക്ഷാ പ്രവർത്തനം പുരോഗമിക്കുകയാണ് എന്നും അദ്ദേഹം അറിയിച്ചു.
അപകടം നടന്ന ഉടൻ തന്നെ പോലീസ് സ്ഥലത്തെത്തി രക്ഷാ പ്രവർത്തനം ആരംഭിച്ചിരുന്നു.
Read Also: പുതിയ കോവിഡ് മാർഗനിർദ്ദേശങ്ങൾ പുറത്തിറക്കി കേന്ദ്രം; അന്തർ സംസ്ഥാന യാത്രകൾക്ക് തടസമില്ല