ന്യൂഡെൽഹി: കർഷക റാലിയെ അടിച്ചമർത്തിയ ഡെൽഹി പൊലീസ് നടപടിയെ വിമർശിച്ച് കെസി വേണുഗോപാൽ എംപി. ഓരോ ഇന്ത്യക്കാരന്റെയും ആത്മാവ് വേദനിച്ച ദിനമാണ് ഇന്നെന്ന് കെസി വേണുഗോപാൽ പറഞ്ഞു. കർഷകർക്കെതിരെ നടന്ന ആക്രമണങ്ങൾക്ക് കേന്ദ്രസർക്കാർ മാത്രമാണ് ഉത്തരവാദി. പാർലമെന്റിൽ വിഷയം ഉന്നയിക്കുമെന്നും കെസി വേണുഗോപാൽ പറഞ്ഞു.
‘ജയ് ജവാൻ, ജയ് കിസാൻ’ എന്ന് മുദ്രാവാക്യം വിളിക്കുന്ന നാട്ടിൽ റിപ്പബ്ളിക് ദിനത്തിൽ കർഷകർക്ക് കൊടുക്കേണ്ട സമ്മാനമാണോ ഇതെന്ന് വേണുഗോപാൽ ചോദിച്ചു. ലോകത്തിന്റെ മുന്നിൽ രാജ്യം നാണംകെട്ടു. ഇനിയെങ്കിലും നടപടി സ്വീകരിക്കാൻ കേന്ദ്രസർക്കാർ തയ്യാറാകണം. വിവാദ നിയമങ്ങൾ കേന്ദ്രസർക്കാർ പിൻവലിക്കണം. കർഷകർക്ക് നീതി ലഭിക്കണമെന്നും കെസി വേണുഗോപാൽ കൂട്ടിച്ചേർത്തു.
Read Also: കർഷക പ്രക്ഷോഭത്തിൽ വിറച്ച് കേന്ദ്രം; ഉന്നതതല യോഗം വിളിച്ച് അമിത് ഷാ