തിരുവനന്തപുരം: മോഷണ കുറ്റം ആരോപിച്ച് ചിറയിൻകീഴിൽ നാട്ടുകാർ കെട്ടിയിട്ട് മർദ്ദിച്ചയാൾ മരിച്ചു. വേങ്ങോട് സ്വദേശി ചന്ദ്രൻ(50) ആണ് മരിച്ചത്. കഴിഞ്ഞ മാസം 28ആം തീയതിയാണ് ചന്ദ്രനെ മോഷണ കുറ്റം ആരോപിച്ച് നാട്ടുകാർ കെട്ടിയിട്ട് ക്രൂരമായി മർദ്ദിച്ചത്. തുടർന്ന് ചികിൽസയിലിരിക്കെയാണ് മരിച്ചത്.
പാത്രങ്ങൾ മോഷ്‌ടിച്ചുവെന്ന് ആരോപിച്ചാണ് ചന്ദ്രനെ നാട്ടുകാർ കെട്ടിയിട്ട് മർദ്ദിച്ചത്. ഇതിന് പിന്നാലെ ചിറയിൻകീഴ് പോലീസ് എത്തിയാണ് ഇയാളെ ആശുപത്രിയിലേക്ക് മാറ്റിയത്. മർദ്ദനത്തിൽ ഇയാളുടെ ആന്തരികാവയവങ്ങൾക്ക് പരിക്കേറ്റിരുന്നു. പരാതി ഇല്ലെന്ന് എഴുതി കൊടുത്തതിനാൽ മോഷണ കുറ്റത്തിന് പോലീസ് ചന്ദ്രനെതിരെ കേസെടുത്തിരുന്നില്ല. ആൾക്കൂട്ട മർദ്ദനത്തിന് എതിരെ ചന്ദ്രനും പരാതി നൽകിയിരുന്നില്ല.
Most Read: സംസ്‌ഥാനത്ത് വീണ്ടും ചെള്ള് പനി ബാധിച്ച് മരണം
