ന്യൂഡല്ഹി : രാജ്യത്ത് കോവിഡ് സ്ഥിരീകരിച്ചവരുടെ എണ്ണം ഇരുപത്തിയാറ് ലക്ഷത്തിലേക്ക് ഉയരുന്നു. 25,89,782 പേര്ക്കാണ് ഇതുവരെ രാജ്യത്ത് രോഗം സ്ഥിരീകരിച്ചത്. കഴിഞ്ഞ ഇരുപത്തിനാല് മണിക്കൂറിനുള്ളില് 64000 ഓളം ആളുകള്ക്കാണ് രോഗം സ്ഥിരീകരിച്ചത്. എന്നാല് രാജ്യത്തെ രോഗമുക്തി നിരക്ക് ഉയരുന്നതും, മരണനിരക്ക് കുറഞ്ഞതും വലിയ ആശ്വാസമാണ് പകരുന്നത്. കഴിഞ്ഞ ദിവസത്തോടെ രോഗ മുക്തരാകുന്നവരുടെ നിരക്ക് 71.9 ശതമാനമായി ഉയര്ന്നു. ഒപ്പം തന്നെ മരണനിരക്ക് രണ്ട് ശതമാനത്തിന് താഴെ 1.93 ശതമാനമായി കുറയുകയും ചെയ്തിട്ടുണ്ട്.
രാജ്യത്ത് വിവിധ സംസ്ഥാനങ്ങളിലും കോവിഡ് കേസുകളുടെ എണ്ണം വലിയ തോതില് ഉയരുകയാണ്. മഹാരാഷ്ട്രയില് 12000 ല് അധികം രോഗബാധിതരാണ് ഓരോ ദിവസവും റിപ്പോര്ട്ട് ചെയ്യുന്നത്. ഒപ്പം തന്നെ ആന്ധ്ര, കര്ണാടക, തമിഴ്നാട്, ഉത്തര്പ്രദേശ്, പശ്ചിമബംഗാള്, ബീഹാര്, അസം, ഒഡീഷ തുടങ്ങിയ സംസ്ഥാനങ്ങളിലും രോഗവ്യാപനം ദിനംപ്രതി കൂടിക്കൊണ്ടിരിക്കുകയാണ്.
ഇന്നലെ മാത്രം രാജ്യത്ത് 63,590 പേര്ക്കാണ് രോഗം സ്ഥിരീകരിച്ചത്. 944 പേര് കോവിഡ് മൂലം മരിക്കുകയും ചെയ്തു. എന്നാല് മുന് ആഴ്ചകളേക്കാള് മരണനിരക്കില് നേരിയ കുറവ് ഉണ്ടായത് ആശ്വാസം പകരുന്നുണ്ട്. ഇപ്പോള് രാജ്യത്ത് ആകെ 677,444 പേരാണ് ചികിത്സയിലുളളത്. 49,980 പേരാണ് രാജ്യത്ത് കോവിഡ് മൂലം ഇതുവരെ മരിച്ചത്.