ലക്‌നൗ: യുപിയിലെ മുസാഫർ നഗറിലെ മഹാപഞ്ചായത്തിന് പിന്നാലെ മൂന്നാം ഘട്ട സമരം കടുപ്പിക്കുകയാണ് കർഷക സംഘടനയായ കിസാൻ മോർച്ച. യുപിയിൽ ഉൾപ്പടെ പതിനെട്ട് ഇടങ്ങളിൽ മഹാപഞ്ചായത്ത് നടത്താനാണ് തീരുമാനം.
പ്രധാനമന്ത്രി നരേന്ദ്രമോദിയുടെ മണ്ഡലമായ വാരാണസിയിലും മഹാപഞ്ചായത്ത് നടക്കും. ഒക്‌ടോബർ രണ്ടാം വാരം മഹാപഞ്ചായത്ത് നടത്താനാണ് കർഷകർ ലക്ഷ്യമിടുന്നത്. സമ്മേളന തീയതി പിന്നീട് നിശ്‌ചയിക്കും. മുസാഫർ നഗർ, കർണാൽ എന്നിവിടങ്ങളിലെ മഹാപഞ്ചായത്തുകൾക്ക് പിന്നാലെയുള്ള രാഷ്‌ട്രീയ സാഹചര്യം ചർച്ച ചെയ്യാൻ കിസാൻ മോർച്ചയുടെ നേതൃത്വത്തിൽ ഇന്ന് അടിയന്തര കോർ കമ്മിറ്റി ചേരുന്നുണ്ട്.
Also Read: റാബിയയുടെ കൊലപാതകം; നീതിതേടി പ്രതിഷേധം ശക്‌തം
