ന്യൂഡെൽഹി: അമേരിക്കയിലെ അക്രമ സംഭവങ്ങളില്‍ ദുഃഖമുണ്ടെന്ന് പ്രതികരിച്ച് പ്രധാനമന്ത്രി നരേന്ദ്ര മോദി രംഗത്തുവന്നതിന് പിന്നാലെ രാജ്യത്തെ കർഷകരെക്കുറിച്ച് ഓർത്തും ആശങ്കപ്പെടണമെന്ന ഓർമപ്പെടുത്തലുമായി ബോക്‌സർ വിജേന്ദര്‍ സിംഗ്. അമേരിക്കയിലെ ആക്രമണത്തെക്കുറിച്ച് ഓർത്ത് ആശങ്കപ്പെടുന്ന ആളുകള്‍ കൊടും തണുപ്പത്ത് ഇന്ത്യന്‍ തെരുവുകളില്‍ പ്രതിഷേധിക്കുന്ന കര്‍ഷകരെക്കുറിച്ചും ഓർക്കണമെന്ന് വിജേന്ദര്‍ സിംഗ് പറഞ്ഞു.
‘ആളുകള്‍ക്ക് അമേരിക്കയെക്കുറിച്ച് ആശങ്കയുണ്ട്, അവിടെ എന്താണ് സംഭവിക്കുന്നത് എന്നോര്‍ത്ത്. നമ്മുടെ രാജ്യത്തെ കര്‍ഷകര്‍ തണുപ്പില്‍ റോഡുകളിലാണ്, അതേക്കുറിച്ചോര്‍ത്തും വിഷമിക്കുക,”- അദ്ദേഹം പറഞ്ഞു.
लोगो को अमेरिका की चिंता है वहाँ क्या हो रहा है हमारे देश के किसान इतनी ठंड में सड़को पर है उस की चिंता भी कर लो ????#किसानों_की_पुकार_सुनो_सरकार
— Vijender Singh (@boxervijender) January 8, 2021
വാഷിംഗ്‌ടൺ ഡിസിയില്‍ നടക്കുന്ന അക്രമ സംഭവങ്ങളില്‍ ദുഃഖമുണ്ട്. അധികാര കൈമാറ്റം സമാധാന പരമായി നടക്കേണ്ടതുണ്ട്. നിയമവിരുദ്ധ പ്രവര്‍ത്തനങ്ങള്‍ വഴി ജനാധിപത്യ പ്രക്രിയകളെ അട്ടിമറിക്കാനാകില്ല എന്നായിരുന്നു മോദിയുടെ പ്രതികരണം.
കേന്ദ്ര സർക്കാരിന്റെ കാർഷിക നിയമത്തിന് എതിരെ പ്രക്ഷോഭം നടത്തുന്ന കർഷകർക്ക് പിന്തുണ പ്രഖ്യാപിച്ച് വിജേന്ദർ സിംഗും സമരഭൂമിയിൽ എത്തിയിരുന്നു. ‘കരിനിയമങ്ങൾ’ റദ്ദാക്കിയില്ലെങ്കിൽ തനിക്ക് ലഭിച്ച രാജീവ്ഗാന്ധി ഖേൽരത്‌ന പുരസ്‌കാരം തിരിച്ചു നൽകുമെന്നും അദ്ദേഹം പ്രഖ്യാപിച്ചിരുന്നു.
Also Read: ബ്രിട്ടണിൽ നിന്നെത്തി ഡെൽഹിയിൽ കുടുങ്ങിയ മലയാളികൾക്ക് നാട്ടിലേക്ക് മടങ്ങാൻ അനുമതി
