ന്യൂഡെല്‍ഹി : കോവിഡ് വ്യാപനത്തെ തുടര്‍ന്ന് നീട്ടി വച്ച യുജിസി നെറ്റ് പരീക്ഷകള്‍ ഈ മാസം 24 മുതല്‍ നടത്താന്‍ തീരുമാനിച്ചു. മെയ്-ജൂണ്‍ മാസങ്ങളിലാണ് സാധാരണയായി പരീക്ഷ നടക്കേണ്ടിയിരുന്നത്. എന്നാല്‍ കോവിഡ് വ്യാപനം മൂലം പരീക്ഷകള്‍ നീട്ടി വെക്കുകയായിരുന്നു.
നെറ്റ് പരീക്ഷകള്‍ സെപ്റ്റംബര്‍ 16 മുതല്‍ 25 വരെയുള്ള തീയതികളില്‍ നടത്താനാണ് നാഷണല്‍ ടെസ്റ്റിങ് ഏജന്‍സി ആദ്യം തീരുമാനിച്ചിരുന്നത്. എന്നാല്‍ ഐസിഎആര്‍ പരീക്ഷകളും ഇതേ തീയതികളില്‍ നടക്കുന്നതിനാല്‍ നെറ്റ് പരീക്ഷകള്‍ മാറ്റി വെക്കാന്‍ തീരുമാനിക്കുകയായിരുന്നു. അതിനാല്‍ ഐസിഎആര്‍ എഴുതുന്നവരുടെ അഭ്യര്‍ത്ഥന പ്രകാരമാണ് സെപ്റ്റംബര്‍ 24 മുതല്‍ പരീക്ഷകള്‍ നടത്താന്‍ തീരുമാനിച്ചിരിക്കുന്നത്. പരീക്ഷയുടെ ടൈംടേബിളും അഡ്മിറ്റ് കാര്‍ഡും ugcnet.nta.nic.in എന്ന വെബ്സൈറ്റില്‍ ഉടന്‍ തന്നെ ലഭ്യമാകും.
Read also : ഷെയ്ന്‍ വോണ്‍ വീണ്ടും റോയല്‍സില്‍
