ന്യൂഡെൽഹി: രാജ്യത്ത് 18നും 45നും ഇടയിൽ പ്രായമുള്ളവർക്ക് വാക്സിനേഷൻ സ്വകാര്യ കേന്ദ്രങ്ങൾ വഴി മാത്രമായിരിക്കുമെന്ന് കേന്ദ്ര സർക്കാർ. വാക്സിൻ സ്വീകരിക്കാനായി കോവിൻ (https://www.cowin.gov.in/home) ആപ്പ് അല്ലെങ്കിൽ വെബ്സൈറ്റ് വഴി രജിസ്റ്റർ ചെയ്യാം.
ഏപ്രിൽ 28 ബുധനാഴ്ച മുതൽ യുവജനങ്ങൾക്ക് വാക്സിനായി രജിസ്റ്റർ ചെയ്യാം. മെയ് ഒന്ന് ശനിയാഴ്ച മുതൽ രാജ്യത്തെ സ്വകാര്യ ആശുപത്രികൾ അല്ലെങ്കിൽ ക്ളിനിക്കുകൾ വഴി വാക്സിൻ ലഭ്യമാക്കും. സ്വകാര്യ ആശുപത്രികൾ/ ക്ളിനിക്കുകൾ വഴി മാത്രം വാക്സിൻ വിതരണം ചെയ്യുന്നതിനാൽ ഇതിനായി ആളുകൾ സ്വന്തം കയ്യിൽ നിന്നും പണം ചിലവഴിക്കേണ്ടി വരും.
സ്വകാര്യ മേഖലയിൽ സെറം ഇൻസ്റ്റിറ്റ്യൂട്ടിന്റെ കോവിഷീൽഡ് വാക്സിൻ 600 രൂപക്കും ഭാരത് ബയോടെക്കിന്റെ കോവാക്സിൻ 1200 രൂപക്കുമാണ് കൊടുക്കുക എന്നാണ് കമ്പനികൾ അറിയിച്ചിരിക്കുന്നത്. 45 വയസിന് മുകളില് പ്രായമുള്ളവരുടെ വാക്സിനേഷന് സര്ക്കാര് ആശുപത്രികളില് തുടരാനാണ് സാധ്യത.
Also Read: കോവിഡ് വാക്സിനേഷന്; വയോജനങ്ങള്ക്കും ഭിന്നശേഷിക്കാര്ക്കും പ്രത്യേക ക്രമീകരണങ്ങള്