ന്യൂഡെല്ഹി: ആര്ക്കൈവ് ചാറ്റുകള്ക്ക് കൂടുതല് നിയന്ത്രണങ്ങള് ഏര്പ്പെടുത്തി വാട്സ്ആപ്. പുതിയ സന്ദേശങ്ങള് വന്നാലും ആര്ക്കൈവ് ചാറ്റുകളില് അവയുടെ നോട്ടിഫിക്കേഷന് കാണിക്കില്ലെന്നാണ് വാട്സ്ആപ് വ്യക്തമാക്കുന്നത്. വീണ്ടും നോട്ടിഫിക്കേഷന് ലഭിക്കണമെങ്കില് അണ്ആര്ക്കൈവ് ചെയ്യണം. ഐഫോണ്, ആൻഡ്രോയ്ഡ് ഉപയോക്താക്കള്ക്ക് ഒരുപോലെ ഈ നിയന്ത്രണം ബാധകമാണെന്ന് വാട്സ്ആപ് വാര്ത്താ കുറിപ്പില് പറയുന്നു.
അതേസമയം ഉപയോക്താക്കള്ക്ക് സ്വന്തം ഇൻബോക്സില് കൂടുതല് നിയന്ത്രണം നല്കാനായാണ് ഇത് നടപ്പാക്കുന്നത് എന്നാണ് വാട്സ്ആപ് വിശദീകരിക്കുന്നത്. നേരത്തെ ചാറ്റുകള് ആര്ക്കൈവ് ചെയ്താൽ പുതിയ സന്ദേശങ്ങള് വരുന്നതോടെ ആ ചാറ്റുകള് വീണ്ടും സജീവമാകുമായിരുന്നു. നിലവില്വന്ന പുതിയ മാറ്റത്തോടെ അത് ഇല്ലാതാകും.
Read also: ‘ത തവളയുടെ ത’; ജോസഫ് ജീര കുട്ടികൾക്കും കുടുംബ പ്രേക്ഷകർക്കും ഒരുക്കുന്ന ചിത്രം