വയനാട് : ജില്ലയിലെ മീനങ്ങാടിയിൽ പെട്രോൾ ഒഴിച്ച് തീകൊളുത്തി യുവാവ് കൊലപ്പെടുത്താൻ ശ്രമിച്ച വീട്ടമ്മ മരിച്ചു. മീനങ്ങാടി മുരണിയിലെ കളത്തിൽ ഷംസുദ്ധീന്റെ ഭാര്യ ഉമൈമത്താ(40)ണ് മരിച്ചത്. ആക്രമണത്തിന് ഇരയായ വീട്ടമ്മ കഴിഞ്ഞ ദിവസങ്ങളിലായി കോഴിക്കോട് മെഡിക്കൽ കോളേജിൽ ചികിൽസയിൽ കഴിയുകയായിരുന്നു.
മരണപ്പെട്ട വീട്ടമ്മയുടെ നാട്ടുകാരൻ തന്നെയായ ശ്രീകാന്ത്(31) ആണ് ഇവരെ പെട്രോൾ ഒഴിച്ച് തീകൊളുത്തി കൊലപ്പെടുത്താൻ ശ്രമിച്ചത്. 15 ദിവസങ്ങൾക്ക് മുൻപാണ് ആക്രമണം ഉണ്ടായത്. സംഭവത്തിന് പിന്നാലെ യുവാവിനെ നാട്ടുകാർ ചേർന്ന് പിടികൂടി പോലീസിൽ ഏൽപ്പിച്ചിരുന്നു. നിലവിൽ ഇയാൾ റിമാൻഡിൽ കഴിയുകയാണ്. സാമ്പത്തിക ഇടപാടിനെ തുടർന്നുണ്ടായ തർക്കമാണ് ആക്രമണത്തിന് കാരണമെന്ന് പോലീസ് വ്യക്‌തമാക്കിയിട്ടുണ്ട്‌.
Read also : സ്വർണവിലയിൽ കുതിപ്പ്; പവന് 400 രൂപ കൂടി
