ഗുസ്‌തി താരങ്ങളുടെ വനിതാ മഹാ പഞ്ചായത്ത്; ഡെൽഹിയിൽ കനത്ത സുരക്ഷ- മാർച്ച് തടയാൻ പോലീസ്
ഡൽഹിയിലും കനത്ത സുരക്ഷയാണ് ഏർപ്പെടുത്തിയിരിക്കുന്നത്. അതിർത്തികളിൽ കർശന പരിശോധന തുടരുകയാണ്. പ്രധാന റോഡുകളെല്ലാം ബാരിക്കേഡുകൾ വെച്ച് അടച്ചു. ജന്തർ മന്ദറിൽ മാദ്ധ്യമങ്ങൾക്കും നിയന്ത്രണം ഏർപ്പെടുത്തിയിരിക്കുകയാണ്. പിഐബി കാർഡുള്ള മാദ്ധ്യമങ്ങൾക്ക് മാത്രമാണ് പ്രവേശനം അനുവദിച്ചിരിക്കുന്നത്.
ന്യൂഡെൽഹി: പുതിയ പാർലമെന്റ് മന്ദിരത്തിന് മുന്നിൽ ഗുസ്‌തി താരങ്ങൾ നടത്തുന്ന വനിതാ മഹാ പഞ്ചായത്ത് തടയാൻ പോലീസ് നിലയുറപ്പിച്ചു. രാവിലെ 11.30ന് ആണ് ജന്തർ മന്ദിറിൽ നിന്ന് പാർലമെന്റിലേക്ക് ഗുസ്‌തി താരങ്ങൾ മാർച്ച് നടത്തുക. മാർച്ച് തടയാൻ പോലീസിന്റെ വൻ സന്നാഹം പാർലമെന്റിന് മുന്നിൽ നിലയുറപ്പിച്ചിട്ടുണ്ട്.
ഡൽഹിയിലും കനത്ത സുരക്ഷയാണ് ഏർപ്പെടുത്തിയിരിക്കുന്നത്. അതിർത്തികളിൽ കർശന പരിശോധന തുടരുകയാണ്. പ്രധാന റോഡുകളെല്ലാം ബാരിക്കേഡുകൾ വെച്ച് അടച്ചു. ജന്തർ മന്ദറിൽ മാദ്ധ്യമങ്ങൾക്കും നിയന്ത്രണം ഏർപ്പെടുത്തിയിരിക്കുകയാണ്. പിഐബി കാർഡുള്ള മാദ്ധ്യമങ്ങൾക്ക് മാത്രമാണ് പ്രവേശനം അനുവദിച്ചിരിക്കുന്നത്.
താരങ്ങളെ പിന്തുണച്ചു രാജസ്‌ഥാൻ, ഹരിയാന, യുപി സംസ്‌ഥാനങ്ങളിൽ നിന്ന് എത്തുന്ന കർഷകരെയും സ്‌ത്രീകളേയും തടയാൻ ഡെൽഹി അതിർത്തികൾ എല്ലാം അടച്ചു. പഞ്ചാബിൽ നിന്ന് ഡെൽഹിയിലേക്ക് വരുന്ന സ്‌ത്രീകൾ തങ്ങിയ അംബാലയിലെ ഗുരുദ്വാറിൽ പോലീസ് പരിശോധന നടത്തി. ഡെൽഹിയിലേക്ക് പുറപ്പെട്ട കർഷകരെ ഹരിയാന പോലീസ് കസ്‌റ്റഡിയിൽ എടുത്തതായും റിപ്പോർട്ടുകൾ ഉണ്ട്.
ലൈംഗിക അതിക്രമ പരാതിയിൽ ബ്രിജ്ഭൂഷണെ ഉടൻ അറസ്‌റ്റ് ചെയ്യണമെന്ന് ആവശ്യപ്പെട്ടാണ് ഗുസ്‌തി താരങ്ങൾ മഹാ പഞ്ചായത്ത് സംഘടിപ്പിക്കുന്നത്. ത്രികു, ഗാസിപ്പൂർ, സിംഘു അതിർത്തികളിൽ നിന്നും ഡെൽഹിക്ക് അകത്തേക്കും മാർച്ച് നടത്തുമെന്നാണ് താരങ്ങൾ അറിയിച്ചിരിക്കുന്നത്. മഹിളാ മഹാ പഞ്ചായത്തിന്റെ ഭാഗമായ നിരവധി കർഷക നേതാക്കൾ ഇതിനോടകം പോലീസ് കസ്‌റ്റഡിയിൽ ആയിട്ടുണ്ട്.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
