തിരുവനന്തപുരം: സംസ്ഥാനത്ത് ശക്തമായ മഴക്ക് സാധ്യതയുണ്ടെന്ന മുന്നറിയിപ്പുമായി കാലാവസ്ഥാ നിരീക്ഷണ കേന്ദ്രം. ഇതേതുടര്ന്ന് ആറ് ജില്ലകളില് യെല്ലാ അലെര്ട്ട് പ്രഖ്യാപിച്ചു. കോട്ടയം, എറണാകുളം, ഇടുക്കി, മലപ്പുറം, വയനാട്, കോഴിക്കോട് ജില്ലകളിലാണ് യെല്ലോ അലെര്ട്ട് പ്രഖ്യാപിച്ചിട്ടുള്ളത്.
മഴ മുന്നറിയിപ്പ് നല്കിയിരിക്കുന്ന ഇടങ്ങളിലെല്ലാം ഇടിമിന്നലോട് കൂടിയ ഒറ്റപ്പെട്ട മഴക്കാണ് സാധ്യത. അതിനാല് തന്നെ ആളുകള് കൂടുതല് ജാഗ്രത പാലിക്കണമെന്ന് അധികൃതര് നിര്ദേശം നല്കി.
ഒപ്പം തന്നെ വിവിധ ജില്ലകളില് അടുത്ത ദിവസങ്ങളിലും ശക്തമായ മഴ തുടരാന് സാധ്യത ഉണ്ടെന്നും കാലാവസ്ഥാ നിരീക്ഷണ കേന്ദ്രം മുന്നറിയിപ്പ് നല്കി. കൂടാതെ കേരള തീരത്ത് മൽസ്യ ബന്ധനത്തിന് വിലക്ക് തുടരുമെന്നും അധികൃതര് അറിയിച്ചിട്ടുണ്ട്.