മലപ്പുറം: കാറിന്റെ ഡിക്കിയിൽ രഹസ്യ അറയിൽ ഒളിപ്പിച്ചു കടത്താൻ ശ്രമിച്ച, രേഖകളില്ലാത്ത 1.05 കോടി രൂപ പോലീസ് പിടികൂടി. കൊണ്ടോട്ടി കുറുപ്പത്ത് നടത്തിയ വാഹന പരിശോധനയിലാണ് പണവുമായി മൂന്നംഗ സംഘം പിടിയിലായത്. തേഞ്ഞിപ്പലം സിഐ എസ് അഷ്റഫിന്റെ നേതൃത്വത്തിൽ ആയിരുന്നു പരിശോധന.
കാറിലുണ്ടായിരുന്ന വള്ളുവമ്പ്രം സ്വദേശികളായ റഹീസ്, അബ്‌ദുൽ കരീം, അബ്‌ദുൽ സമദ് എന്നിവർക്കെതിരെ കൊണ്ടോട്ടി പോലീസ് കേസ് എടുത്തു. കൊണ്ടോട്ടി ഭാഗത്തു നിന്നു വള്ളുവമ്പ്രം ഭാഗത്തേക്കു പോകുകയായിരുന്നു സംഘം. സിഐ ചന്ദ്രമോഹനൻ, എസ്ഐ റെമിൻ, പോലീസ് ഉദ്യോഗസ്‌ഥരായ രാജേഷ്, പമിത് എന്നിവർ നടപടികൾക്കു നേതൃത്വം നൽകി.
Also Read: വിഷു-ഈസ്‌റ്റർ വിപണി; ജില്ലയിൽ കൺസ്യൂമർഫെഡ് വിറ്റുവരവ് 5.34 കോടി
