തിരുവനന്തപുരം: സർക്കാർ ഇന്ന് പുറത്ത് വിട്ട കണക്കനുസരിച്ച് കഴിഞ്ഞ 24 മണിക്കൂറിനുള്ളിൽ 45,691 സാമ്പിൾ പരിശോധന വിധേയമാക്കി. ഇതിൽ 5,797 പേർക്കാണ് കോവിഡ് സ്ഥിരീകരിച്ചത്. രോഗമുക്തി നേടിയവർ 2,796 പേരും കോവിഡ് മരണം സ്ഥിരീകരിച്ചത് 19 പേർക്കുമാണ്. ഇന്നത്തെ ടെസ്റ്റ് പോസിറ്റിവിറ്റി ശതമാനം 12.69%വും ചികിൽസയിലുള്ളത് 37,736 പേരുമാണ്.
ആകെ രോഗ ബാധിതരുടെ ജില്ല തിരിച്ചുള്ള കണക്ക്;
കാസർഗോഡ്: 116
കണ്ണൂർ: 319
വയനാട്: 67
കോഴിക്കോട്: 561
മലപ്പുറം: 267
പാലക്കാട്: 222
തൃശ്ശൂർ: 389
എറണാകുളം: 929
ആലപ്പുഴ: 264
കോട്ടയം: 447
ഇടുക്കി: 153
പത്തനംതിട്ട: 266
കൊല്ലം: 311
തിരുവനന്തപുരം: 1486
സമ്പര്ക്ക രോഗികള് 5,309 ഇന്നുണ്ട്. ഉറവിടം അറിയാത്ത 320 രോഗബാധിതരും, 37,736 പേർ നിലവിൽ ചികിൽസയിലുമുണ്ട്. ആരോഗ്യരംഗത്തുള്ള 56 പേർക്കാണ് ഇന്ന് രോഗബാധ സ്ഥിരീകരിച്ചത്. സമ്പർക്ക രോഗികളുടെ ശതമാനകണക്ക് നോക്കിയാൽ അത് 91.58 ശതമാനമാണ്. ഇന്നത്തെ 5,797 രോഗബാധിതരില് 112 പേർ യാത്രാചരിത്രം ഉള്ളവരാണ്.
Most Read: ശ്രീകാന്ത് വെട്ടിയാറിനെതിരെ മീ ടൂ ആരോപണം
ഇന്ന് കോവിഡില് നിന്ന് മുക്തി നേടിയവര് 2,796, ജില്ല തിരിച്ചുള്ള കണക്ക് ഇനി പറയുന്നതാണ്; തിരുവനന്തപുരം 688, കൊല്ലം 19, പത്തനംതിട്ട 258, ആലപ്പുഴ 131, കോട്ടയം 187, ഇടുക്കി 90, എറണാകുളം 402, തൃശൂര് 306, പാലക്കാട് 91, മലപ്പുറം 82, കോഴിക്കോട് 249, വയനാട് 71, കണ്ണൂര് 180, കാസര്ഗോഡ് 42. ഇനി ചികിൽസയിലുള്ളത് 37,736. ഇതുവരെ ആകെ 52,03,146 പേര് കോവിഡില് നിന്നും മുക്തി നേടി.
സംസ്ഥാനത്ത് ആകെ കോവിഡ് മരണം ഇത് വരെ 49,757 ആയി. ഇന്ന് കോവിഡ്-19 സ്ഥിരീകരിച്ച മരണങ്ങള് 19 ആണ്. ഇതുകൂടാതെ മതിയായ രേഖകളില്ലാത്തത് സുപ്രീംകോടതി വിധിപ്രകാരം കേന്ദ്രസര്ക്കാരിന്റെ പുതിയ മാര്ഗനിര്ദേശമനുസരിച്ച് അപ്പീല് നല്കിയ 147 മരണങ്ങളും റിപ്പോര്ട്ട് ചെയ്തിട്ടുണ്ട്. ആരോഗ്യ രംഗത്ത് നിന്ന് 56 പേർക്കാണ് ഇന്ന് രോഗബാധ സ്ഥിരീകരിച്ചത്.
സംസ്ഥാനത്തെ കോവിഡ് പരിശോധന: കഴിഞ്ഞ 24 മണിക്കൂറിനിടെ 45,691 സാമ്പിളുകളാണ് പരിശോധിച്ചത്. പ്രതിവാര ഇന്ഫെക്ഷന് പോപ്പുലേഷന് റേഷ്യോ (WIPR) പത്തിന് മുകളിലുള്ള 5 തദ്ദേശ സ്വയംഭരണ പ്രദേശങ്ങളിലായി 6 വാര്ഡുകളാണുള്ളത്. ഇവിടെ കര്ശന നിയന്ത്രണമുണ്ടാകും.
സംസ്ഥാനത്തെ വിവിധ ജില്ലകളിലായി 1,20,368 പേരാണ് ഇപ്പോള് നിരീക്ഷണത്തിലുള്ളത്. ഇവരില് 1,17,548 പേര് വീട്/ഇൻസ്റ്റിറ്റ്യൂഷണൽ ക്വാറന്റെയ്നിലും 2820 പേര് ആശുപത്രികളിലും നിരീക്ഷണത്തിലാണ്. 257 പേരെയാണ് ഇന്ന് പുതുതായി ആശുപത്രിയിൽ പ്രവേശിപ്പിച്ചത്.
Film News: ‘നാരദനി’ൽ അഭിഭാഷകനായി രഞ്ജി പണിക്കര്; പുതിയ ക്യാരക്ടർ പോസ്റ്ററെത്തി
