കണ്ണൂർ: ജില്ലയിലെ കണ്ണപുരത്തുണ്ടായ വാഹനാപകടത്തിൽ 2 പേർ മരിച്ചു. 5 പേർക്ക് പരിക്കേൽക്കുകയും ചെയ്തു. പിക്ക്അപ്പ് വാൻ റോഡരികിലേക്ക് പാഞ്ഞുകയറിയാണ് അപകടം ഉണ്ടായത്. റോഡ് സൈഡിൽ നിന്ന ആളുകളുടെ ദേഹത്തേക്കാണ് വാൻ പാഞ്ഞുകയറിയത്. ഇന്ന് രാവിലെ 7 മണിയോടെയാണ് അപകടം നടന്നത്.
അപകടത്തിൽ രണ്ട് പേർ സംഭവ സ്ഥലത്ത് വച്ച് തന്നെ മരിച്ചു. കണ്ണപുരം യോഗശാല സ്വദേശി എം നൗഫൽ, പാപ്പിനിശേരി വെസ്റ്റ് സ്വദേശി അബ്ദുൾ സമദ് എന്നിവരാണ് മരിച്ചത്. കൂടാതെ പരിക്കേറ്റ ആളുകളിൽ ഒരാളുടെ നില ഗുരുതരമായി തുടരുകയാണ്. ഡ്രൈവർ ഉറങ്ങി പോയതാണ് അപകടത്തിന് കാരണമെന്നാണ് പ്രാഥമിക നിഗമനം.
നിയന്ത്രണം വിട്ട പിക്ക്അപ്പ് വാൻ സ്കൂട്ടർ യാത്രക്കാരനെയും റോഡരികിൽ നിൽക്കുന്ന ആളുകളെയും ഇടിക്കുകയായിരുന്നു. പിക്ക്അപ്പ് വാൻ സ്കൂട്ടറിൽ ഇടിച്ച ശേഷം റോഡരികിൽ നിന്നവർക്ക് നേരെ പാഞ്ഞുകയറിയെന്നാണ് ഇവിടെ നിന്ന് ലഭിക്കുന്ന വിവരം.
Read also: തെളിവുകളില്ല; കരുവന്നൂർ ബാങ്കിലെ സസ്പെൻഷൻ നടപടികൾ പിൻവലിച്ചു
