4000 കോടിയുടെ നിക്ഷേപവുമായി ആസ്‌റ്റർ; ഹൈദരാബാദിൽ പുതിയ ആശുപത്രി ഉടൻ

500 കോടി മുതൽ മുടക്കിൽ ഹൈദരാബാദിലെ കൊണ്ടാപ്പൂരിൽ നിർമിക്കുന്ന ആശുപത്രി 2027 മാർച്ചിൽ പ്രവർത്തനം തുടങ്ങും.

By Senior Reporter, Malabar News
Aster DM Quality Care Limited

രാജ്യവ്യാപകമായി 4000 കോടിയുടെ നിക്ഷേപ പദ്ധതികളുമായി ആസ്‌റ്റർ ഡിഎം ക്വാളിറ്റി കെയർ ലിമിറ്റഡ്. ആദ്യഘട്ടത്തിൽ ഹൈദരാബാദിൽ പുതിയ മൾട്ടി സ്‌പെഷ്യാലിറ്റി ആശുപത്രി ആരംഭിക്കും. 500 കോടി മുതൽ മുടക്കിൽ ഹൈദരാബാദിലെ കൊണ്ടാപ്പൂരിൽ നിർമിക്കുന്ന ആശുപത്രി 2027 മാർച്ചിൽ പ്രവർത്തനം തുടങ്ങും.

മൂന്നുലക്ഷം ചതുരശ്രയടി വിസ്‌തീർണത്തിൽ നിർമിക്കുന്ന ആശുപത്രിയിൽ 300 കിടക്കകളാണുള്ളത്. രണ്ടുവർഷത്തിനുള്ളിൽ 4000 മുതൽ 4400 കിടക്കകൾ വരെ അധികമായി കൂട്ടിച്ചേർക്കും. ഇതോടെ ആസ്‌റ്റർ ഡിഎം ക്വാളിറ്റി കെയർ ഗ്രൂപ്പിന് കീഴിലുള്ള ആശുപത്രികളിലെ ആകെ കിടക്കകളുടെ എണ്ണം 15,000 കടക്കും.

ഹൈദരാബാദിലെ ശൃംഖല എട്ട് ആശുപത്രികളായി വികസിക്കും. രാജ്യത്തെ വളർന്നുവരുന്ന ആരോഗ്യ മേഖലയുടെ ആവശ്യങ്ങൾ നിറവേറ്റാൻ ആധുനിക ചികിൽസാ അടിസ്‌ഥാന സൗകര്യങ്ങളിൽ സുസ്‌ഥിര നിക്ഷേപം അനിവാര്യമാണെന്ന് ആസ്‌റ്റർ കെയർ സ്‌ഥാപകനും എക്‌സിക്യൂട്ടീവ് ചെയർമാനുമായ ഡോ. ആസാദ് മൂപ്പൻ പറഞ്ഞു. ആസ്‌റ്റർ ഡിഎം ക്വാളിറ്റി കെയറിന് കീഴിൽ വിവിധ ബ്രാൻഡുകളിലായി 27 നഗരങ്ങളിൽ 38 ആശുപത്രികളാണ് ഉള്ളത്.

Most Read| ഉമ്മൻ ചാണ്ടിക്ക് ശേഷം വിജിലൻസിന് രഹസ്യക്കവചം ശക്‌തമാക്കി വിഡി സതീശൻ

LEAVE A REPLY

Please enter your comment!
Please enter your name here

പ്രതികരണം രേഖപ്പെടുത്തുക

അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.

YOU MAY LIKE