കൽപ്പറ്റ: തദ്ദേശ തിരഞ്ഞെടുപ്പിന്റെ രണ്ടാം ഘട്ടം നാളെ നടക്കും. വയനാട് ഉൾപ്പടെ അഞ്ചു ജില്ലകളാണ് നാളെ വിധിയെഴുതുക. പരസ്യ പ്രചാരണം അവസാനിച്ച ജില്ലകളിൽ ഇന്ന് നിശബ്ദ പ്രചാരണത്തിലാണ് സ്ഥാനാർഥികൾ.
ജില്ലയിൽ പോളിംഗ് സാമഗ്രികളുടെ വിതരണം ഇന്ന് രാവിലെ മുതൽ നടക്കുമെന്ന് വയനാട് കളക്ടർ അദീല അബ്ദുല്ല അറിയിച്ചു. ഇതിനായി അതാത് വരണാധികാരികളുടെ നേതൃത്വത്തിൽ ഏഴു കേന്ദ്രങ്ങളാണ് ഒരുക്കിയിരിക്കുന്നത്. ഓരോ ബ്ളോക്കിനും ഓരോ നഗരസഭക്കും വ്യത്യസ്ത വിതരണ കേന്ദ്രങ്ങളാണ് ഒരുക്കിയിരിക്കുന്നത്.
കോവിഡ് നിയന്ത്രണം ഉള്ളതിനാൽ കൊട്ടിക്കലാശം ഒഴിവാക്കിയാണ് ഇന്നലെ പരസ്യ പ്രചാരണം അവസാനിപ്പിച്ചത്. നാളെ രാവിലെ ഏഴു മണി മുതൽ വൈകിട്ട് ആറു വരെയാണ് വോട്ടിംഗ്. വയനാടിനൊപ്പം കോട്ടയം, എറണാകുളം, തൃശൂർ, പാലക്കാട് ജില്ലകളാണ് ഡിസംബർ 10ന് വിധിയെഴുതുക.
Malabar News: മലയാളി ഗവേഷണ വിദ്യാര്ഥിനിയുടെ കോവിഡ് പഠനം അമേരിക്കന് ജേണലില്
