ലക്നൗ: ഉത്തര്പ്രദേശില് പ്രാര്ഥനാ യോഗത്തില് വച്ച് പ്രസാദം കഴിച്ച 32 പേര്ക്ക് ഭക്ഷ്യവിഷബാധ. കനൗജിലെ ജുഖായ ഗ്രാമത്തിൽ സംഘടിപ്പിച്ച ‘ഭഗവത് കഥ’ അവസാനിക്കുന്നതിന്റെ ഭാഗമായാണ് പ്രസാദ വിതരണം നടത്തിയത്. ഗ്രാമവാസികളില് ഭൂരിഭാഗം പേരും യോഗത്തിന് പങ്കെടുത്തിരുന്നു. പ്രസാദമായി ലഭിച്ച ഖീർ പൂരി കഴിച്ച ഉടനെ പലര്ക്കും വയറുവേദനും ഛര്ദ്ദിയും തുടങ്ങി. ദേഹാസ്വാസ്ഥ്യം അനുഭവപ്പെട്ടവരെ ഉടന് തന്നെ ആശുപത്രിയിലേക്ക് മാറ്റി.
32 പേരാണ് ചികിൽസ തേടിയത്. ഇതിൽ സ്ത്രീകളും കുട്ടികളും ഉൾപ്പെടുന്നു. ഗ്രാമത്തിലേക്ക് ഒരു സംഘം ഡോക്ടര്മാരെ അയച്ചതായും സ്ഥിതിഗതികള് വിലയിരുത്തുമെന്നും ജില്ലാ മജിസ്ട്രേറ്റ് അറിയിച്ചു. ഭക്ഷ്യ വിഷബാധയുമായി ബന്ധപ്പെട്ട് അന്വേഷണം നടത്തുമെന്നും പ്രസാദത്തിന്റെ സാമ്പിളുകള് ശേഖരിച്ചതായും ആരോഗ്യവകുപ്പ് വ്യക്തമാക്കി.
Read also: പണം തട്ടിയ കേസ്; സണ്ണി ലിയോണിന്റെ ജാമ്യഹരജി ഇന്ന് വീണ്ടും പരിഗണിക്കും