പാലക്കാട്: ജില്ലയിൽ എയിംസ് ആനുവദിക്കണമെന്ന ആവശ്യം ശക്തമാകുന്നു. കഞ്ചിക്കോട് കോച്ച് ഫാക്ടറിക്കായി ഏറ്റെടുത്ത സ്ഥലം എയിംസിനായി ഉപയോഗപ്പെടുത്തണമെന്ന് ജില്ലയിലെ ജനപ്രതിനിധികൾ നിർദ്ദേശിച്ചു. വാളയാർ അതിർത്തിയോട് ചേർന്നുള്ള ഈ സ്ഥലത്ത് എയിംസ് അനുവദിച്ചാൽ കേരളത്തിന് പുറമെ തമിഴ്നാടിനും പ്രയോജനം ലഭിക്കുമെന്നാണ് അഭിപ്രായം ഉയരുന്നത്.
എയിംസിനായി സംസ്ഥാനം കേന്ദ്രത്തിൽ സമ്മർദ്ദം ചെലുത്തുന്നുണ്ടെങ്കിലും അനുവദിച്ചാൽ ഏത് ജില്ലയിൽ നടപ്പാക്കുമെന്ന കാര്യത്തിൽ ഇപ്പോഴും വ്യക്തതയില്ല. ഈ സാഹചര്യത്തിലാണ് കേരളത്തിനും തമിഴ്നാടിനും പ്രയോജനം ലഭിക്കുന്ന മട്ടിൽ പാലക്കാട് ജില്ലയിൽ അനുമതി നൽകണമെന്ന ആവശ്യം ഉയരുന്നത്. കഞ്ചിക്കോടിന് പുറമെ ഐഐടി ക്യാമ്പസിലെ സ്ഥലം കൂടി പ്രയോജനപ്പെടുത്താൻ കഴിയുമെന്നാണ് നിർദ്ദേശം.
Most Read: വീട്ടമ്മയുടെ ഫോൺ രേഖകൾ ചോർത്തി; ഡിവൈഎസ്പിക്ക് എതിരെ വകുപ്പുതല അന്വേഷണം