ന്യൂഡെൽഹി: ഡെൽഹിയിൽ അന്തരീക്ഷ വായുവിന്റെ ഗുണനിലവാരം മോശമായി തുടരുന്നു. ബുധനാഴ്ച രാവിലെ അന്തരീക്ഷ വായുനിലവാര സൂചികയിൽ 301 ആണ് രേഖപ്പെടുത്തിയതെന്ന് കേന്ദ്ര മലിനീകരണ നിയന്ത്രണ ബോർഡിന്റെ കണക്കുകൾ സൂചിപ്പിക്കുന്നു.
ഡെൽഹി സർവകലാശാല, മധുര റോഡ്, ഇന്ദിരാ ഗാന്ധി അന്താരാഷ്ട്ര വിമാനത്താവളം എന്നിവടങ്ങളിലെല്ലാം വായുമലിനീകരണം രൂക്ഷമാണ്. ഇവിടങ്ങളിലെ ഐഎക്യുഐ (indoor air quality index) യഥാക്രമം 310, 315, 325 എന്ന നിലവാരത്തിലാണ്. പുസ റോഡ്, ലോധി റോഡ്, ഐഐടി ഡെൽഹി, അയനഗർ എന്നിവിടങ്ങളിലെയും അവസ്ഥ വളരെ മോശമാണ്.
കാറ്റിന്റെ സാന്നിധ്യം കുറഞ്ഞതാണ് വായുവിന്റെ ഗുണനിലവാരം കുറയാൻ കാരണമെന്നാണ് റിപ്പോർട്. കൂടിയ തണുപ്പും അന്തരീക്ഷ വായുനിലവാരം കുറക്കുന്നു. ഇപ്പോൾ 4 ഡിഗ്രി സെന്റി ഗ്രേഡാണ് അനുഭവപ്പെടുന്നത്. ഇനിയുള്ള ദിവസങ്ങളിൽ ഇത് വർധിക്കാൻ സാധ്യതയുള്ളതിനാൽ അന്തരീക്ഷ വായുനിലവാര സൂചിക ഇനിയും മോശമാകാൻ സാധ്യതയുണ്ട്.
Also Read: സിബിഐ റെയ്ഡ്; കരിപ്പൂരില് കണ്ടെത്തിയത് ഗുരുതര ക്രമക്കേടുകള്