സാന്‍ ഫ്രാന്‍സിസ്‌കോ: ഇന്‍സ്റ്റഗ്രാം ക്യാമറയിലൂടെ ഉപയോക്താക്കളെ ഫേസ്ബുക്ക് രഹസ്യമായി നിരീക്ഷിക്കുന്നതായി പരാതി. അമേരിക്കയിലെ സാന്‍ ഫ്രാന്‍സിസ്‌കോയില്‍ നിന്നുള്ള ബ്രിട്ടണി കോണ്ടിറ്റിയാണ് ഇത്തരമൊരു പരാതി ഉന്നയിച്ചിരിക്കുന്നത്. സാന്‍ ഫ്രാന്‍സിസ്‌കോയിലെ ഫെഡറല്‍ കോടതിയിൽ പരാതി രജിസ്റ്റര്‍ ചെയ്‌തു.
Read also: ഫേസ്ബുക്കിന്റെ പക്ഷപാതിത്വം; പാർലമെന്റ് ഐടി സമിതി വിഷയം ഇന്ന് പരിഗണിക്കും
ഉപയോക്താവറിയാതെ, ഇന്‍സ്റ്റഗ്രാം ക്യാമറ വഴി മനപൂര്‍വം ഉപയോക്താക്കളെ നിരീക്ഷിക്കുന്നുവെന്നാണ് ആരോപണം. ഉപഭോക്തൃ ഡാറ്റ ശേഖരിക്കാന്‍ ആണ് ഇത്തരമൊരു നീക്കമെന്നും പരാതിക്കാരി ആരോപിക്കുന്നു. എന്നാല്‍ ആരോപണം നിഷേധിച്ച് ഫേസ്ബുക്ക് രംഗത്തെത്തി. സാങ്കേതിക തകരാറാണിതെന്നാണ് ഫേസ്ബുക്കിന്റെ നിലപാട്. പ്രശ്‍നം പരിഹരിച്ച് വരികയാണെന്നും കമ്പനി അറിയിച്ചു.
