പനാജി: തുടർച്ചയായ കനത്ത മഴയെ തുടർന്ന് കൊങ്കൺ മേഖലയിൽ വീണ്ടും മണ്ണിടിഞ്ഞ് ട്രെയിൻ ഗതാഗതം തടസപ്പെട്ടു. തുടർന്ന്, കൊങ്കൺ റെയിൽവേ ട്രെയിൻ സർവീസുകൾ പുനഃക്രമീകരിക്കുകയും ചില ട്രെയിനുകൾ വഴിതിരിച്ച് വിടുകയും ചെയ്തു.
ഓൾഡ് ഗോവ കർമാലി തുരങ്കത്തിൽ കർമാലി- തിവിം സ്റ്റേഷനുകൾക്ക് ഇടയിലാണ് മണ്ണിടിഞ്ഞത്. ഇരുഭാഗത്തേക്കുമുള്ള സർവീസുകൾ തടസപ്പെട്ടിരിക്കുകയാണ്. കേരളത്തിലേക്കുള്ള ദീർഘദൂര സർവീസുകളടക്കമുള്ള ട്രെയിനുകൾ വഴിയിൽ കുടുങ്ങി. ചില ട്രെയിനുകൾ വഴിതിരിച്ചു വിട്ടതായും അധികൃതർ അറിയിച്ചു.
Also Read: അനധികൃത നിർമാണമെന്ന് ആരോപണം; ലക്ഷദ്വീപിൽ മദ്രസ കെട്ടിടം പൊളിച്ചുനീക്കാൻ നോട്ടീസ്