ഇഎന്ടി ശസ്ത്രക്രിയ വിദഗ്ധരുടെ ദേശീയ സമ്മേളനം; ലോഗോ പ്രകാശനം ചെയ്തു
2025 ജനുവരി 9,10,11,12 തിയതികളില് കൊച്ചിയിലെ ലെ-മെറീഡിയനിലാണ് ഇഎന്ടി ശസ്ത്രക്രിയ വിദഗ്ധരുടെ ദേശീയ സംഘടനയായ അസോസിയേഷന് ഓഫ് ഓട്ടോലാറിംഗോളജിസ്റ്റ്സ് ഓഫ് ഇന്ത്യ (എഒഐ)യുടെ 76ആമത് ദേശീയ സമ്മേളനം.
എഒഐ കോണ് 2025ന്റെ ലോഗോ പ്രകാശനത്തിൽ നിന്നുള്ള ദൃശ്യം (ഫോട്ടോ എഎസ് സതീഷ്)
കൊച്ചി: ദേശീയ ഇഎന്ടി മേഖലയിലെ വിദഗ്ധർ പങ്കെടുക്കുന്ന എഒഐ കോണ് 2025 സമ്മേളനത്തിന്റെ ലോഗോ പ്രകാശനം കൊച്ചിയിൽ നടന്നു. എഒഐ ദേശീയ സെക്രട്ടറി ഡോ. കൗശല് സേത്ത്, ട്രഷറര് ഡോ. യോഗേഷ് ധബോല്ക്കര്, പ്രസിഡണ്ട് ഇലക്ട് ഡോ. ദൈവപന് മുഖര്ജി, മുന് പ്രസിഡണ്ട് ഡോ. നന്ദു ഖോല്വാദ്ക്കർ എന്നിവര് ചേര്നാണ് ലോഗോയുടെ പ്രകാശനം നിര്വഹിച്ചത്.
4 ദിവസം നീണ്ടു നിൽക്കുന്ന സമ്മേളനത്തിൽ അക്കാദമികതല സെമിനാറുകള്, പ്രബന്ധാവതരണങ്ങള്, ചര്ച്ചകള് ഉള്പ്പെടെയുള്ളവ നടക്കും. ഇഎന്ടി മേഖലയിയിലെ നൂതന ചികില്സാ രീതികള്, ആധുനിക സാങ്കേതിക വിദ്യകള് ഉള്പ്പെടെയുള്ളവ സംബന്ധിച്ച് സമ്മേളനം വിശദമായി ചര്ച്ച ചെയ്യും. മാറുന്ന കാലഘട്ടത്തില് ഇഎന്ടി മേഖലയുടെ ഭാവി രൂപപ്പെടുത്തല് കൂടിയാകും സമ്മേളനം.
ഇന്ത്യയില് നിന്നും വിദേശത്തു നിന്നുമായി നാലായിരത്തോളം പ്രതിനിധികള് പങ്കെടുക്കുന്ന സമ്മേളനം കേരളത്തിന്റെ സാമ്പത്തിക മേഖലയ്ക്കും ദേശീയ-അന്തർദേശീയ സമ്മേളനങ്ങളുടെ ആസ്ഥാനമായി വികസിക്കുന്ന കൊച്ചിക്കും വലിയ ഉണര്വായി മാറുമെന്നാണ് വിലയിരുത്തൽ.
ചിത്രകാരന് കൂടിയായ ഡോ. മുഹമ്മദ് അസ്ലം രൂപകല്പ്പന ചെയ്ത ലോഗോയുടെ പ്രകാശന ചടങ്ങിൽ സംഘടാക സമിതി ചെയര്മാന് ഡോ. മാത്യു ഡൊമിനിക്, സയന്റിഫിക് ചെയര്മാനും എഒഐ കൊച്ചി ബ്രാഞ്ചിന്റെ പ്രസിഡണ്ടുമായ ഡോ. മുഹമ്മദ് നൗഷാദ് വി, ഓര്ഗനൈസിംഗ് സെക്രട്ടറി ഡോ. പ്രവീണ് ഗോപിനാഥ്, ട്രഷറര് ഡോ. കെജി സജു, കണ്വീനര് ഡോ. എംഎം ഹനീഷ്, ജോയിന്റ് സെക്രട്ടറിമാരായ ഡോ. പ്രീതി മേരി, ഡോ. സച്ചിന് സുരേഷ്, ഡോ. ജോര്ജ് തുകലന് തുടങ്ങിയവര് പങ്കെടുത്തു.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
