ന്യൂഡെൽഹി: കേന്ദ്ര ധനകാര്യമന്ത്രി നിർമലാ സീതാരാമനെതിരെ രൂക്ഷ വിമർശനവുമായി മുതിര്‍ന്ന കോണ്‍ഗ്രസ് നേതാവ് പി ചിദംബരം. സ്വന്തം കഴിവിലും ഉപദേശികളുടെ കഴിവിലും വിശ്വാസമില്ലാത്ത മന്ത്രി, ഗ്രഹങ്ങളെ ആശ്രയിക്കുകയാണെന്നും അവര്‍ ഒരു സാമ്പത്തിക ജ്യോതിഷിയെ നിയമിക്കുന്നത് നന്നാകുമെന്നുമാണ് ചിദംബരത്തിന്റെ പരിഹാസം.
സ്‌പേസ് ടെലിസ്‌കോപ്പുമായി ബന്ധപ്പെട്ട് നിർമലാ സീതാരാമന്‍ കഴിഞ്ഞ ദിവസം ചെയ്‌ത ട്വീറ്റിന് മറുപടിയുമായാണ് ചിദംബരം രംഗത്തുവന്നത്. പണപ്പെരുപ്പം 7.01 ശതമാനവും തൊഴിലില്ലായ്‌മ 7.8 ശതമാനവും രേഖപ്പെടുത്തിയ സന്ദര്‍ഭത്തില്‍ ധനകാര്യ മന്ത്രി ഗ്രഹങ്ങളുടെ ചിത്രം ട്വീറ്റ് ചെയ്‌തതില്‍ ഞങ്ങള്‍ക്ക് അൽഭുതമില്ലെന്നാണ് ചിദംബരത്തിന്റെ ട്വീറ്റ്.
We are not surprised that the Finance Minister tweeted pictures of Jupiter, Pluto and Uranus on the day when Inflation printed at 7.01% and unemployment printed at 7.8%
— P. Chidambaram (@PChidambaram_IN) July 14, 2022
മന്ത്രി ഒരു ‘മുഖ്യ സാമ്പത്തിക ജ്യോതിഷി’യെ നിയമിക്കുന്നതാണ് നല്ലതെന്നും ചിദംബരം പറഞ്ഞു. നേരത്തെ മന്ത്രിക്കെതിരെ കോണ്‍ഗ്രസും രംഗത്തുവന്നിരുന്നു. തകര്‍ന്ന് കിടക്കുന്ന രാജ്യത്തിന്റെ സാമ്പത്തിക മേഖലയെ ശക്‌തിപ്പെടുത്തുന്നതിനേക്കാള്‍ മന്ത്രിക്ക് താൽപര്യം യുറാനസ്, പ്ളൂട്ടോ എന്നീ ഗ്രങ്ങളിൽ ഒക്കെയാണെന്നാണ് കോണ്‍ഗ്രസ് വിമര്‍ശിച്ചത്.
Such amazing pictures of unseen parts of the ever expanding Universe. The colours and the images are astonishing. https://t.co/DiANLvCpiu
— Nirmala Sitharaman (@nsitharaman) July 12, 2022
Most Read: എസ്എഫ്ഐ നേതാവിന് എതിരായ കേസ്; അട്ടിമറി ആരോപിച്ച് യൂത്ത് കോൺഗ്രസ്‌
