പാലക്കാട്: പൈപ്പ് ലൈനിനായി കുഴി എടുക്കുന്നതിനിടെ പാലക്കാട് ടിപ്പുവിന്റെ കോട്ടയിൽ നിന്ന് പീരങ്കി ഉണ്ടകൾ കണ്ടെത്തി. 300 മീറ്ററോളം ആഴത്തിൽ 47 ഉണ്ടകളാണ് കോട്ടയിൽ നിന്ന് കണ്ടെടുത്തത്. പുനർനിർമാണം നടത്തുന്നതിന്റെ ഭാഗമായി പൈപ്പ് ലൈനിനായി കുഴിച്ചപ്പോഴാണ് അപ്രതീക്ഷിതമായി ഉണ്ടകൾ കാണാനിടയായത്.
ഉടൻ തന്നെ ആർക്കിയോളജി വകുപ്പ് അധികൃതർ സ്ഥലത്തെത്തി പരിശോധന നടത്തി. കണ്ടെടുത്ത ഉണ്ടകൾ സുരക്ഷിതമായി സൂക്ഷിക്കുമെന്ന് ആർക്കിയോളജി വകുപ്പ് അധികൃതർ അറിയിച്ചു. പാലക്കാട്ടെ ടിപ്പുവിന്റെ കോട്ടക്ക് നൂറ്റാണ്ടുകളുടെ പഴക്കമുണ്ട്. കഴിഞ്ഞ ഒരു മാസമായി കോട്ടയിൽ പുനരുദ്ധാരണ പ്രവൃത്തികൾ നടന്നുവരികയാണ്.
സംരക്ഷണ ചുമതലയുള്ള ആർക്കിയോളജിക്കൽ സർവേ ഓഫ് ഇന്ത്യ കോട്ടക്ക് അകത്തെ കെട്ടിടങ്ങൾക്ക് ഉൾപ്പടെ പുനർനിർമാണം നടത്തുകയാണ്. പണിയുടെ ഭാഗമായി പൈപ്പ്ലൈനിനായി കുഴിച്ചപ്പോഴാണ് ജോലിക്കാർ പീരങ്കി ഉണ്ടകൾ കണ്ടത്.
Most Read: ബിജെപിയുടെ അപകടകരമായ നയങ്ങൾക്ക് ബദൽ കേരളം; യെച്ചൂരി