ന്യൂഡെൽഹി: ഡെൽഹി മുഖ്യമന്ത്രി അരവിന്ദ് കെജ്‌രിവാൾ വീട്ടുതടങ്കലിലെന്ന് ആം ആദ്‌മി പാർട്ടി (എഎപി). ട്വിറ്ററിലാണ് എഎപി ഇക്കാര്യം അറിയിച്ചത്. “ബിജെപിയുടെ ഡെൽഹി പോലീസ് മുഖ്യമന്ത്രി അരവിന്ദ് കെജ്‌രിവാളിനെ വീട്ടുതടങ്കലിൽ ആക്കിയിരിക്കുകയാണ്. ഇന്നലെ സിംഗുവിൽ എത്തി പ്രക്ഷോഭം നടത്തുന്ന കർഷകരെ കണ്ടു മടങ്ങിയ ശേഷമാണ് അദ്ദേഹത്തെ വീട്ടുതടങ്കലിൽ ആക്കിയിരിക്കുന്നത്. അദ്ദേഹത്തിന്റെ വീട്ടിലേക്ക് ആരെയും കടത്തിവിടുകയോ പുറത്തേക്ക് വിടുകയോ ചെയ്യുന്നില്ല,”- എഎപി ട്വീറ്റ് ചെയ്‌തു.
Important :
BJP’s Delhi Police has put Hon’ble CM Shri @ArvindKejriwal under house arrest ever since he visited farmers at Singhu Border yesterday
No one has been permitted to leave or enter his residence#आज_भारत_बंद_है#BJPHouseArrestsKejriwal
— AAP (@AamAadmiParty) December 8, 2020
എന്നാൽ ആരോപണം ഡെൽഹി പോലീസ് തള്ളി. കെജ്‍രിവാളിന്റെ വീടിന് പുറത്ത് എഎപി പ്രവർത്തകരും മറ്റ് പാർട്ടിയിലെ പ്രവർത്തകരും തമ്മിൽ ഏറ്റുമുട്ടൽ ഉണ്ടാകാതിരിക്കാൻ സുരക്ഷ വർധിപ്പിക്കുക മാത്രമാണ് ചെയ്‌തതെന്നാണ്‌ ഡെൽഹി എസിപി ആന്റോ അൽഫോൺസ് നൽകിയ വിശദീകരണം. ഇതിന് തെളിവായി കെജ്‍രിവാളിന്റെ വീടിന് മുന്നിലെ ഒരു ഫോട്ടോയും പുറത്തുവിട്ടിട്ടുണ്ട്.
It is a general deployment to avoid any clash between AAP and any other party. CM has not been put under house arrest: Anto Alphonse, DCP North, Delhi https://t.co/pc4WJAxZek
— ANI (@ANI) December 8, 2020
കേന്ദ്രത്തിന്റെ കാർഷിക നിയമങ്ങൾക്ക് എതിരെ പ്രതിഷേധിക്കുന്ന കർഷകർക്ക് പിന്തുണ പ്രഖ്യാപിച്ച് അരവിന്ദ് കെജ്‌രിവാളും മറ്റ് എഎപി മന്ത്രിമാരും ഇന്നലെ സിംഗുവിൽ എത്തി കർഷകരെ കണ്ടിരുന്നു. ഇന്ന് നടക്കുന്ന ഭാരത് ബന്ദിന് പിന്തുണയും പ്രഖ്യാപിച്ചിരുന്നു.
