മുംബൈ: ആഡംബര കപ്പലിലെ ലഹരിപ്പാർട്ടിക്കിടെ അറസ്റ്റിലായ ആര്യന് ഖാന്, അര്ബാസ് മർച്ചന്റ് എന്നിവരെയും മറ്റ് ആറ് പ്രതികളെയും 14 ദിവസത്തേക്ക് ജുഡീഷ്യൽ കസ്റ്റഡിയില് വിട്ടു. ബോളിവുഡ് താരം ഷാരുഖ് ഖാന്റെ മകൻ കൂടിയായ ആര്യന് ഖാനെ കസ്റ്റഡിയില് വേണമെന്ന എന്സിബിയുടെ ആവശ്യം കോടതി തളളി. ചോദ്യം ചെയ്യാന് ആവശ്യത്തിന് സമയം ലഭിച്ചതായും കോടതി വ്യക്തമാക്കി.
അതേസമയം ആര്യന് ഖാന്റെ ജാമ്യാപേക്ഷയില് കോടതി നാളെ വാദം കേള്ക്കും. നാളെ രാവിലെ 11നാണ് ഹരജി പരിഗണിക്കുക. എൻസിബിയുടെ മറുപടി അപ്പോൾ നൽകിയാൽ മതിയെന്നും കോടതി അറിയിച്ചു.
അറസ്റ്റിലായവരിൽ ഒരാള് ആര്യന് ലഹരിമരുന്ന് വിതരണം ചെയ്തെന്ന് നാര്കോട്ടിക്സ് കണ്ട്രോള് ബ്യൂറോ ആരോപിച്ചിരുന്നു. ആര്യന് ജാമ്യം നല്കരുതെന്നും വീണ്ടും കസ്റ്റഡിയില് വേണമെന്നുമാണ് എന്സിബി കോടതിയില് ആവശ്യപ്പെട്ടത്. എന്നാൽ ചോദ്യം ചെയ്യാൻ നർകോട്ടിക്സ് കൺട്രോൾ ബ്യൂറോയ്ക്ക് ആവശ്യത്തിന് സമയം ലഭിച്ചതായി കോടതി അറിയിച്ചു.
പ്രതികളെ ഈ മാസം 11 വരെ കസ്റ്റഡിയില് വേണമെന്ന് ആവശ്യപ്പെട്ട് എന്സിബി അപേക്ഷ നല്കി. ഇതുവരെ 17 പേരെ അറസ്റ്റ് ചെയ്തതായും എന്സിബി അറിയിച്ചു.
മുംബൈയില് നിന്നും ഗോവയിലേക്ക് പുറപ്പെട്ട കോര്ഡിലിയ എന്ന ആഡംബര കപ്പലിലെ ലഹരിവിരുന്നുമായി ബന്ധപ്പെട്ട് ശനിയാഴ്ച വൈകിട്ടാണ് എന്സിബിയുടെ രഹസ്യ ഓപ്പറേഷനില് പ്രതികളെ പിടികൂടിയത്. 13 ഗ്രാം കൊക്കെയ്ൻ, 21 ഗ്രാം ചരസ്, 22 എംഡിഎംഎ, 5 ഗ്രാം എംഡി എന്നിവയാണ് ഉദ്യോഗസ്ഥർ കണ്ടെടുത്തത്.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
