കാസർഗോഡ്: മുള്ളേരിയ ടൗണിലെ അനധികൃത മീൻവിൽപന തടയാനെത്തിയ പോലീസിനെ കയ്യേറ്റം ചെയ്‌ത മൂന്ന് പേർ അറസ്‌റ്റിൽ. കാറഡുക്ക പൂത്തപ്പലത്തെ ഇബ്രാഹിം ബാദുഷ (26), നായൻമാർമൂല സ്വദേശികളായ മുഹമ്മദ് ജുനൈദ് (19), അബ്‌ദുൽ ഷമ്മാസ് (23) എന്നിവരെയാണ് ആദൂർ പോലീസ് അറസ്‌റ്റ് ചെയ്‌തത്‌.
പോലീസിന്റെ ജോലി തടസപ്പെടുത്തിയതിനും കയ്യേറ്റം ചെയ്‌തതിനും ജാമ്യമില്ലാ വകുപ്പുകൾ ചുമത്തിയാണ് മൂന്ന് പേർക്കുമെതിരെ കേസെടുത്തത്.
ഞായറാഴ്‌ച വൈകിട്ട് 4ന് പഞ്ചായത്ത് ഓഫിസിന് മുൻപിലാണു സംഭവം. രാവിലെ മുതൽ റോഡരികിൽ മീൻ വിൽപന നടത്തുകയായിരുന്നു ഇവർ. മീൻപെട്ടിയിലെ വെള്ളം റോഡിലേക്ക് ഒഴുകി യാത്രക്കാർക്കു ബുദ്ധിമുട്ടാകുന്നുവെന്ന പരാതിയെ തുടർന്ന് എസ്ഐ ഇ രത്‌നാകരനും സംഘവും സ്‌ഥലത്തെത്തി വിൽപന നിർത്താൻ ആവശ്യപ്പെട്ടു.
എസ്ഐ ഉൾപ്പടെ മൂന്ന് പോലീസുകാരാണ് ഉണ്ടായിരുന്നത്. ഇതോടെ പ്രതികൾ പോലീസിനു നേരെ തിരിയുകയും തർക്കിക്കുകയും ചെയ്‌തു. പോലീസ് ബലമായി മീൻ എടുത്തു മാറ്റാൻ തുടങ്ങിയതോടെ പ്രതികൾ എസ്ഐയുടെ ഷർട്ടിൽ പിടിച്ചു തള്ളുകയും ചെയ്‌തു. ഇതോടെ പോലീസ് ബലം പ്രയോഗിച്ച് ഇവരെ അറസ്‌റ്റ് ചെയ്യുകയായിരുന്നു. ഇവർ വിൽക്കാൻ കൊണ്ടുവന്ന മീൻ പഞ്ചായത്ത് അധികൃതർ കുഴിച്ചുമൂടി.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
