കോഴിക്കോട്: വിവിധ ആവശ്യങ്ങൾ ഉന്നയിച്ച് കോഴിക്കോട് ഓട്ടോ തൊഴിലാളികൾ നടത്തിയ റോഡ് ഉപരോധത്തിൽ സംഘർഷം. ബാങ്ക് റോഡ് ഉപരോധിക്കുമെന്നാണ് ഇവർ നേരത്തെ അറിയിച്ചിരുന്നത്. പിന്നീട് സമരം അപ്രതീക്ഷിതമായി മാവൂർ റോഡിലേക്ക് മാറ്റി. ഇവിടെയാണ് പോലീസും ഓട്ടോ തൊഴിലാളികളും തമ്മിൽ നേരിയ സംഘർഷമുണ്ടായത്.
ഇന്ധനവില വർധനയുടെ പശ്‌ചാത്തലത്തിൽ ഓട്ടോ ചാർജ് വർധിപ്പിക്കുക, പുതിയ സിസി പെർമിറ്റുകൾ നൽകാനുള്ള നീക്കം ഉപേക്ഷിക്കുക തുടങ്ങിയ ആവശ്യങ്ങൾ ഉന്നയിച്ചാണ് ഓട്ടോ തൊഴിലാളികൾ പ്രതിഷേധിച്ചത്.
ഒരു മാസത്തോളമായി ഇവർ കെഎസ്ആർടിസി സ്‌റ്റാന്റിന് മുന്നിൽ നിരാഹാര സമരം നടത്തിയിരുന്നു. ഇതിൽ പരിഹാരം ഉണ്ടാവാത്തതിനെ തുടർന്നാണ് റോഡ് ഉപരോധത്തിലേക്ക് കടന്നത്. സമരം ചെയ്‌തവരെ പോലീസ് അറസ്‌റ്റ് ചെയ്‌ത്‌ നീക്കി.
Most Read: ബിജെപി പ്രവർത്തകനെ കൊല്ലാൻ ശ്രമം; എസ്‌ഡിപിഐ നേതാവ് അറസ്‌റ്റിൽ
