മലപ്പുറം: ബാങ്കിൽ മോഷണ ശ്രമം നടത്തിയ പ്രതി 11 വർഷത്തിന് ശേഷം പ്രതി പിടിയിൽ. പരപ്പനങ്ങാടി കോ-ഓപ്പറേറ്റീവ് ബാങ്കിന്റെ പഴയ ശാഖയിൽ മോഷണ ശ്രമം നടത്തിയ കുഞ്ഞൻ എന്ന അറുമുഖനാണ് അറസ്‌റ്റിലായത്‌. ഇയാൾ മാസങ്ങളായി പോലീസിന്റെ നിരീക്ഷണത്തിൽ ആയിരുന്നു.
കടലുണ്ടി റോഡിലെ ബാങ്കിന്റെ പിൻഭാഗത്തുള്ള ജനൽ ചില്ല് തകർത്ത് ഗ്രിൽ കമ്പികൾ ഇളക്കിമാറ്റി അകത്ത് കടന്ന പ്രതി ബാങ്കിനകത്ത് സൂക്ഷിച്ചിരുന്ന ചാരിറ്റി ധർമ പെട്ടിയുമെടുത്ത് കടന്നു കളയുകയായിരുന്നു. ഇയാൾ തമിഴ്‌നാട് കുറവാ സംഘത്തിൽപ്പെടുന്ന ആളാണെന്ന് പോലീസ് പറഞ്ഞു.
കൂടാതെ, ഗുരുവായൂർ, ചാവക്കാട്, പൊന്നാനി, കൽപകഞ്ചേരി, മഞ്ചേരി എന്നീ സ്‌റ്റേഷനുകളിൽ പ്രതിക്കെതിരെ നിരവധി കേസുകൾ രജിസ്‌റ്റർ ചെയ്‌തിട്ടുള്ളതായി പോലീസ് അറിയിച്ചു. പ്രതിയെ സംഭവ സ്‌ഥലത്ത്‌ എത്തിച്ചു തെളിവെടുപ്പ് നടത്തി.
Most Read: സംസ്‌ഥാനത്ത്‌ പ്ളസ്‌ വൺ പരീക്ഷാഫലം നാളെ പ്രഖ്യാപിക്കും
