കല്‍പ്പറ്റ: ഹരിതകേരളം മിഷന്‍ കൃഷി വകുപ്പുമായി ചേര്‍ന്നൊരുക്കുന്ന തരിശുരഹിത ഗ്രാമപദ്ധതി അന്തിമഘട്ടത്തിലേക്ക്. ജില്ലയിലെ വിവിധ തദ്ദേശവകുപ്പുകള്‍ക്ക് കീഴില്‍ വര്‍ഷങ്ങളായി തരിശായി കിടക്കുന്ന കരഭൂമിയും വയലുകളുമാണ് പദ്ധതിയിലൂടെ കൃഷിയോഗ്യമാക്കുന്നത്. 4 ബ്ലോക്കുകളില്‍ നിന്നായി വെങ്ങപ്പള്ളി, എടവക, പൂതാടി, മീനങ്ങാടി തുടങ്ങിയ ഗ്രാമപഞ്ചായത്തുകളെയാണ് പദ്ധതി നടപ്പിലാക്കുന്നതിനായി തിരഞ്ഞെടുത്തിരിക്കുന്നത്.
Read also: ചോളമുണ്ടയിലെ തരിശ് ഭൂമിയെ കതിരണിയിക്കാന്‍ ഗഫൂര്‍ കല്ലറയും നാട്ടുകാരും
എടവക, പൂതാടി പഞ്ചായത്തുകളെ ഇതിനോടകം തരിശുരഹിത പഞ്ചായത്തുകളായി പ്രഖ്യാപിച്ചിട്ടുണ്ട്. 7.5 ഏക്കറോളം വരുന്ന കരഭൂമിയിലും 80 ഏക്കറോളം വരുന്ന വയലുകളിലുമായാണ് എടവക പഞ്ചായത്തില്‍ കൃഷിയിറക്കിയിരിക്കുന്നത്.
