തിരുവനന്തപുരം: കോവിഡ് നിയന്ത്രണങ്ങളിൽ ഇളവ് പ്രഖ്യാപിച്ചതിനെ തുടർന്ന് സംസ്ഥാനത്ത് പലയിടത്തും മദ്യശാലകൾ തുറന്നു. ടെസ്റ്റ് പോസിറ്റിവിറ്റി നിരക്ക് (ടിപിആർ) 20 ശതമാനം വരെയുള്ള സ്ഥലങ്ങളിലെ മദ്യശാലകളാണ് തുറന്നത്. അതേസമയം, പലയിടത്തും നീണ്ട നിരയാണ് രാവിലെ മുതൽ മദ്യശാലകൾക്ക് മുന്നിൽ കാണപ്പെടുന്നത്. 9 മണിക്കാണ് മദ്യശാലകൾ തുറക്കാൻ അനുമതി നൽകിയിരുന്നത്. എന്നാൽ അതിന് മുൻപ് തന്നെ പലയിടത്തും ക്യൂ തുടങ്ങിയിരുന്നു.
കൃത്യമായ സാമൂഹിക അകലം പാലിച്ചുകൊണ്ടായിരിക്കും മദ്യവിൽപന നടത്തുക എന്നാണ് സർക്കാർ അറിയിച്ചിരിക്കുന്നത്. ഇതിന് വേണ്ട എല്ലാ സജ്ജീകരണങ്ങളും ഒരുക്കാൻ നിർദ്ദേശങ്ങളും നൽകിയിട്ടുണ്ട്. പോലീസിന്റെ സേവനം ലഭ്യമാക്കുമെന്നും അറിയിച്ചിട്ടുണ്ട്.
ബെവ്കോ കേന്ദ്രങ്ങളിലെ വില തന്നെയാകും ബാറുകളിലെ മദ്യത്തിനും ഈടാക്കുക. കള്ളുഷാപ്പുകളിലും പാഴ്സൽ വിൽപനയുണ്ട്. ബെവ്കോ രാവിലെ 9 മുതൽ രാത്രി 7 വരെയും ബാറുകൾ രാവിലെ 11 മുതൽ 7 വരേയുമാകും പ്രവർത്തിക്കുക.
Read also: കെപിസിസി ആസ്ഥാനത്തെ കോവിഡ് മാനദണ്ഡ ലംഘനം; വീഴ്ച സമ്മതിച്ച് പ്രതിപക്ഷ നേതാവ്