തിരുവനന്തപുരം: ‘ലവ് ജിഹാദി’ന്റെ പേരിൽ ബിജെപി വർഗീയത പടർത്തുകയാണെന്ന് സിപിഎം സംസ്ഥാന സെക്രട്ടറി എ വിജയരാഘവൻ. യുപി മാതൃകയിൽ ‘ലവ് ജിഹാദ്’ തടയാൻ നിയമം കൊണ്ടുവരുമെന്ന ബിജെപി സംസ്ഥാന അധ്യക്ഷൻ കെ സുരേന്ദ്രന്റെ പ്രസ്താവനയോട് പ്രതികരിക്കുക ആയിരുന്നു അദ്ദേഹം.
‘ലവ് ജിഹാദി’ന്റെ പേരിൽ ഇല്ലാത്ത ശത്രുവിനെ മുന്നിൽ നിർത്തി ബിജെപി വർഗീയത പടർത്തുകയാണ്. വിദ്വേഷ രാഷ്ട്രീയത്തിന്റെ ഉൽപന്നമാണ് ‘ലവ് ജിഹാദ്’. മറ്റ് മതങ്ങൾക്ക് ഇടയിൽ വിദ്വേഷം ഉണ്ടാക്കുകയാണ് ഇതിലൂടെ ബിജെപി ലക്ഷ്യം വെക്കുന്നത്. കേരളത്തിൽ അത്തരമൊരു നിയമം നടപ്പാക്കില്ലെന്ന് മുഖ്യമന്ത്രി പിണറായി വിജയൻ വ്യക്തമാക്കിയതാണ് എന്നും എ വിജയരാഘവൻ കൂട്ടിച്ചേർത്തു.
Also Read: ‘ലീഗിനെ ക്ഷണിക്കാൻ മാത്രം ബിജെപി വളർന്നിട്ടില്ല’; മറുപടിയുമായി കുഞ്ഞാലിക്കുട്ടി