കോഴിക്കോട്: മുഖ്യമന്ത്രി പിണറായി വിജയന് നേരെ കോഴിക്കോട് കരിങ്കൊടി പ്രതിഷേധം. കോഴിക്കോട് ബീച്ചിൽ നടക്കുന്ന എൻജിഒ യൂണിയൻ സംസ്ഥാന സമ്മേളനം ഉൽഘാടനം ചെയ്യാനെത്തിയ മുഖ്യമന്ത്രിക്ക് നേരെയാണ് കെഎസ്യു- എംഎസ്എഫ് പ്രവർത്തകർ കരിങ്കൊടി വീശിയത്. കോഴിക്കോട് ഗസ്റ്റ് ഹൗസിൽ നിന്നും ബീച്ചിലേക്ക് മുഖ്യമന്ത്രി പോകുന്നതിനിടെ ആയിരുന്നു സംഭവം.
പ്ളസ് വൺ സീറ്റ് പ്രതിസന്ധി പരിഹരിക്കണമെന്ന് ആവശ്യപ്പെട്ടായിരുന്നു പ്രതിഷേധം. മുഖ്യമന്ത്രിയെ കരിങ്കൊടി കാണിക്കാനായി കോഴിക്കോട് വെസ്റ്റ് ഹില്ലിലെ ഒരു ഹോട്ടലിലാണ് കെഎസ്യു- എംഎസ്എഫ് പ്രവർത്തകർ തമ്പടിച്ചിരുന്നത്. വിവരമറിഞ്ഞ് സ്ഥലത്തെത്തിയ പോലീസ് കെഎസ്യു ജില്ലാ പ്രസിഡണ്ട് വിടി സൂരജ്, വൈസ് പ്രസിഡണ്ടുമാരായ ഷഹബാസ്, രാഗിൻ എന്നിവരെയും മറ്റൊരു പ്രവർത്തകനേയും കസ്റ്റഡിയിൽ എടുത്തു.
എന്നാൽ, കൂടുതൽ പ്രവർത്തകർ ഇവിടെയുണ്ടായിരുന്നത് തിരിച്ചറിയാൻ പോലീസിന് കഴിഞ്ഞില്ല. മുഖ്യമന്ത്രിയുടെ വാഹനം അടുത്തേക്ക് എത്തിയപ്പോൾ പ്രവർത്തകർ കരിങ്കൊടിയുമായി ചാടിവീഴുകയായിരുന്നു. ഇവരെ പോലീസ് കസ്റ്റഡിയിൽ എടുത്തു. രണ്ട് കെഎസ്യു പ്രവർത്തകരെയും രണ്ട് എംഎസ്എഫ് പ്രവർത്തകരെയുമാണ് കസ്റ്റഡിയിൽ എടുത്തിരിക്കുന്നത്.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
