തിരൂർ: മലപ്പുറം തിരൂർ സ്വദേശിക്ക് ബ്ളാക്ക് ഫംഗസ് സ്‌ഥിരീകരിച്ചു. ഏഴൂർ ഗവ. സ്‌കൂളിന് സമീപത്തെ വലിയപറമ്പിൽ അബ്‌ദുൽ ഖാദറിനാണ് (62 ) രോഗബാധ സ്‌ഥിരീകരിച്ചത്. അടിയന്തിര ശസ്‍ത്രക്രിയയിലൂടെ അദ്ദേഹത്തിന്റെ ഒരു കണ്ണ് നീക്കം ചെയ്‌തതായി മകൻ ജുനൈദ് പറഞ്ഞു.
മഞ്ചേരി മെഡിക്കൽ കോളേജിൽ കോവിഡ് ചികിൽസ കഴിഞ്ഞ് മടങ്ങിയതിന് ശേഷം കണ്ണിന്റെ കാഴ്‌ചക്ക് ബുദ്ധിമുട്ട് നേരിട്ടതിനെ തുടർന്ന് ഈ മാസം 5ന് കോട്ടക്കൽ അൽമാസിൽ നടത്തിയ പരിശോധനയിലാണ് ബ്ളാക്ക് ഫംഗസ് ബാധയാണെന്ന് സ്‌ഥിരീകരിച്ചത്. തുടർന്ന് കോഴിക്കോട് മിംസ് ആശുപത്രിയിയിൽ വച്ച് അടിയന്തിര ശസ്‍ത്രക്രിയയിലൂടെ ഒരു കണ്ണ് നീക്കം ചെയ്യുകയായിരുന്നു. മലപ്പുറം ജില്ലയിൽ ആദ്യമായാണ് ബ്ളാക്ക് ഫംഗസ് രോഗബാധ സ്‌ഥിരീകരിക്കുന്നത്.
Read also: പാർട്ടി തീരുമാനത്തിൽ മാറ്റമില്ല; മന്ത്രിസഭാ രൂപീകരണത്തിൽ എ വിജയരാഘവൻ
