തിരുവനന്തപുരം: സംസ്‌ഥാനത്ത് ഇതുവരെ കോവിഡ് അനുബന്ധ മ്യൂക്കർമൈക്കോസിസ് അഥവാ ബ്ളാക്ക് ഫംഗസ് രോഗം ബാധിച്ചത് 110 പേർക്കെന്ന് ഔദ്യോഗിക കണക്ക്. ഇതിൽ 21 പേർ മരണപ്പെട്ടു. തിരുവനന്തപുരത്ത് അഞ്ച് പേരാണ് ഈ രോഗം ബാധിച്ച് മരിച്ചത്. എറണാകുളത്ത് നാല് രോഗികൾ മരിച്ചു.
ആകെ രോഗം ബാധിച്ചവരിൽ 61 പേർ രോഗമുക്‌തരായി. 28 പേർ ഇപ്പോഴും ചികിൽസയിലാണ്. പ്രമേഹമടക്കം മറ്റ് അസുഖങ്ങളുള്ളവരിലാണ് ബ്ളാക്ക് ഫംഗസ് രോഗം ഗുരുതരമാകാൻ സാധ്യത. ഈ സാഹചര്യത്തിൽ ആശുപത്രി ഐസിയു, വെന്റിലേറ്റർ മേഖലകളിൽ അണുനശീകരണം കർശനമാക്കാൻ നിർദ്ദേശം നൽകിയിരുന്നു.
Most Read: ഇന്നും കനത്ത മഴ തുടരും; 9 ജില്ലകളില്‍ യെല്ലോ അലര്‍ട്
