കണ്ണൂർ: ജില്ലയിലെ പയ്യന്നൂരിൽ ആർഎസ്എസ് കാര്യാലയത്തിന് നേരെ ബോംബേറ് ഉണ്ടായി. ഇന്ന് പുലർച്ചെ ഒന്നരയോടെയാണ് ആക്രമണം നടന്നത്. ബോംബേറിനെ തുടർന്ന് ആളപായം ഉണ്ടായിട്ടില്ല. എന്നാൽ ഓഫീസിന്റെ മുൻവശത്തെ ജനൽചില്ലുകൾ തകർന്നിട്ടുണ്ട്.
ആക്രമണം നടക്കുമ്പോൾ ഓഫീസിൽ ആരും ഉണ്ടായിരുന്നില്ല. സിപിഐഎം പ്രവർത്തകനായിരുന്ന ധനരാജിന്റെ ആറാം രക്‌തസാക്ഷി ദിനമായിരുന്നു ഇന്നലെ. ഈ കേസിൽ പ്രതിസ്‌ഥാനത്തുള്ളത് ആർഎസ്എസ് ആണ്. അതിനാൽ തന്നെ രക്‌തസാക്ഷി ദിനാചരണത്തോട് അനുബന്ധിച്ചുള്ള പ്രകോപനമാകാം ആക്രമണത്തിന് പിന്നിലെന്നാണ് സൂചന. എന്നാൽ ഇത് സംബന്ധിച്ച കൂടുതൽ വിവരങ്ങളൊന്നും പോലീസ് പുറത്തു വിട്ടിട്ടില്ല.
Read also: എച്ച്ആർഡിഎസ് സെക്രട്ടറി അജി കൃഷ്‌ണൻ അറസ്‌റ്റിൽ
