മുംബൈ: അമിതാഭ് ബച്ചന്റെ വീട്ടിലും മുംബൈയിലെ മൂന്ന് റെയില്വേ സ്റ്റേഷനുകളിലും ബോംബ് വച്ചതായി ഭീഷണി സന്ദേശം. ഇന്നലെ രാത്രിയിൽ മുംബൈ പോലീസിന്റെ പ്രധാന കണ്ട്രോള് റൂമിലാണ് ഭീഷണി സന്ദേശം എത്തിയത്.
മുംബൈയിലെ ഛത്രപതി ശിവാജി മഹാരാജ് ടെര്മിനസ്, ബൈക്കുള, ദാദര് റെയില്വേ സ്റ്റേഷനുകളിലും ജുഹുവിലുള്ള അമിതാഭ് ബച്ചന്റെ വീട്ടിലും ബോംബ് വച്ചിട്ടുണ്ട് എന്നായിരുന്നു സന്ദേശം. ഫോണ് കോള് ലഭിച്ചതോടെ പോലീസും ആര്പിഎഫും ബോംബ് സ്ക്വാഡും ഡോഗ് സ്ക്വാഡും പരിശോധനകള് നടത്തിയെന്ന് അധികൃതര് പറഞ്ഞു.
എന്നാല്, ഈ സന്ദേശത്തില് പറഞ്ഞ സ്ഥലങ്ങളിലൊന്നും സംശയാസ്പദമായി ഒന്നും കണ്ടെത്താന് സാധിച്ചില്ല. സംഭവത്തില് വിശദമായ അന്വേഷണം തുടരുകയാണെന്നും പോലീസ് അറിയിച്ചു. റെയില്വേ സ്റ്റേഷനുകളില് സുരക്ഷ ശക്തമാക്കിയിട്ടുണ്ട്. സംഭവത്തില് രണ്ട് പേരെ കസ്റ്റഡിയിൽ എടുത്തതായാണ് റിപ്പോര്ട്ടുകള്.
Most Read: നാടാർ സംവരണം; ഹൈക്കോടതി വിധിക്കെതിരെ അപ്പീൽ നൽകാൻ ഒരുങ്ങി സർക്കാർ