ചണ്ടീഗഡ്: പഞ്ചാബിലെ ഹോഷിയാർപൂരിൽ കുഴൽക്കിണറിൽ വീണ 6 വയസുകാരനെ രക്ഷിക്കാൻ ശ്രമം തുടരുന്നു. 300 അടി ആഴമുള്ള കിണറ്റിലേക്കാണ് കുട്ടി പതിച്ചത്. 95 മീറ്ററോളം താഴെയാണ് കുട്ടി കുടുങ്ങിയത് എന്നാണ് വിവരം. രാവിലെ 9 മണിയോടെയാണ് അപകടമുണ്ടായത്. തെരുവ് നായ്ക്കളിൽ നിന്ന് രക്ഷപ്പെടാൻ ഓടുന്നതിനിടെയാണ് കുട്ടി കുഴൽക്കിണറിലേക്ക് വീണത്.
നിലവിൽ രക്ഷാ പ്രവർത്തനത്തിൽ സൈനികരടക്കം സഹകരിക്കുന്നുണ്ട്. എക്സ്കവേറ്റർ വഴി കിണറിനുള്ളിലേക്ക് തുരങ്കം നിർമിക്കാനാണ് ശ്രമം. കിണറിനുള്ളിലേക്ക് ഓക്സിജൻ നൽകുന്നുണ്ട് എങ്കിലും കുട്ടി അബോധാവസ്ഥയിലാണ്.
Read also: ഡെൽഹിയിൽ ഐപിഎൽ വാതുവെപ്പ് സംഘം പിടിയിൽ