ഉണ്ണി മുകുന്ദന്‍ നായകനായും ‘ഉണ്ണി മുകുന്ദന്‍’ ഫിലിംസ് നിര്‍മ്മാണം നിര്‍വഹിക്കുന്നതുമായ ചിത്രത്തിന്റെ പ്രഖ്യാപനം കഴിഞ്ഞു. മാസ് ആക്ഷന്‍ എന്റെര്‍ടെയ്നര്‍ ആയി ഒരുങ്ങുന്ന ചിത്രം 25 കോടി മുതല്‍മുടക്കിലാണ് ചിത്രീകരിക്കുന്നത്. ബ്രൂസ് ലീ എന്ന് പേരിട്ടിരിക്കുന്ന ചിത്രത്തിന്റെ പോസ്റ്ററിനൊപ്പമാണ് ചിത്രത്തിന്റെ പ്രഖ്യാപനം നടത്തിയത്. മലയാള സിനിമയിലെ പ്രമുഖ താരങ്ങളായ മോഹന്‍ലാല്‍, മമ്മൂട്ടി, പൃഥ്വിരാജ്, കുഞ്ചാക്കോ ബോബന്‍, ജയസൂര്യ, ടോവിനോ തോമസ് എന്നിവര്‍ ചേര്‍ന്ന് സോഷ്യല്‍ മീഡിയയിലൂടെയാണ് ചിത്രത്തിന്റെ പ്രഖ്യാപനം നടത്തിയത്.
ഉണ്ണി മുകുന്ദന്‍ ഫിലിംസ് നിര്‍മ്മിക്കുന്ന ആദ്യ ചിത്രമാണ് ബ്രൂസ് ലീ. പുലിമുരുകന്‍, മധുരരാജ എന്നീ സിനിമകള്‍ സംവിധാനം ചെയ്‌ത വൈശാഖ് ആണ് ചിത്രത്തിന്റെ സംവിധായകൻ. പുലിമുരുകന്‍, മധുരരാജ എന്നീ സിനിമകളുടെ തിരക്കഥാകൃത്ത് ഉദയകൃഷ്‌ണയും ഛായാഗ്രാഹകന്‍ ഷാജി കുമാറും വീണ്ടും ഒന്നിക്കുന്ന ചിത്രമെന്ന പ്രത്യേകതയും ബ്രൂസ് ലീ ക്ക് ഉണ്ട്. ഉണ്ണി മുകുന്ദനെ നായകനാക്കി വൈശാഖ് സംവിധാനം ചെയ്‌ത ചിത്രമായിരുന്നു മല്ലുസിംഗ്. അതിനുശേഷം എട്ട് വര്‍ഷങ്ങള്‍ കഴിഞ്ഞാണ് ഇരുവരും വീണ്ടും ഒന്നിക്കുന്നത്.
പുലിമുരുകന്‍, മധുരരാജ എന്നീ ചിത്രങ്ങളുടെ സംവിധായകനും, തിരകഥാകൃത്തും, ഛായാഗ്രാഹകനും വീണ്ടും ഒന്നിക്കുന്ന ചിത്രമാണ് ബ്രൂസ് ലീ. മാസ് ആക്ഷന്‍ എന്റര്‍ടെയ്നര്‍ വിഭാഗത്തില്‍ ഉള്‍പ്പെടുന്ന ചിത്രം യുവാക്കള്‍ക്കും കുടുംബപ്രേക്ഷകര്‍ക്കും ഒരുപോലെ ഇഷ്‌ടപ്പെടുമെന്നാണ് അണിയറപ്രവര്‍ത്തകര്‍ വ്യക്തമാക്കുന്നത്. അടുത്ത വര്‍ഷത്തോടെ സിനിമയുടെ ചിത്രീകരണം ആരംഭിക്കുമെന്നാണ് ലഭിക്കുന്ന വിവരം. വിഷ്‌ണു മോഹന്‍ സംവിധാനം ചെയ്യുന്ന മേപ്പടിയാന്‍ ആണ് ഉണ്ണി മുകുന്ദന്റെ ചിത്രീകരണം ആരംഭിക്കാന്‍ പോകുന്ന പുതിയ സിനിമ.
Read also : നിയമസഭ കയ്യാങ്കളി കേസ്: സര്‍ക്കാരിന് തിരിച്ചടി
