തിരുവനന്തപുരം: സംസ്‌ഥാനത്തെ 42 തദ്ദേശ വാർഡുകളിൽ ഇന്ന് ഉപതിരഞ്ഞെടുപ്പ്. തിരഞ്ഞെടുപ്പ് സുഗമമായി നടത്താനുള്ള എല്ലാ ഒരുക്കങ്ങളും പൂർത്തിയായതായി സംസ്‌ഥാന തിരഞ്ഞെടുപ്പ് കമ്മീഷൻ അറിയിച്ചു. കാസർഗോഡും വയനാടും ഒഴികെ എല്ലാ ജില്ലകളിലും തിരഞ്ഞെടുപ്പ് നടക്കുകയാണ്.
രണ്ട് കോർപറേഷൻ, ഏഴ് മുനിസിപ്പാലിറ്റി, രണ്ട് ബ്‌ളോക്ക് പഞ്ചായത്ത്, 31 ഗ്രാമപഞ്ചായത്ത് വാർഡുകളിലാണ് തിരഞ്ഞെടുപ്പ് നടക്കുക. 182 സ്‌ഥാനാർഥികൾ ജനവിധി തേടി മൽസര രംഗത്തുണ്ട്. ഇതിൽ 79 പേർ സ്‌ത്രീകളാണ്. 77,643 വോട്ടർമാരാണുള്ളത്. രാവിലെ ഏഴ് മണി മുതൽ വൈകിട്ട് ഏഴ് വരെയാണ് വോട്ടിങ് സമയം. നാളെ വോട്ട് എണ്ണിത്തുടങ്ങും.
Most Read: നടിയെ ആക്രമിച്ച കേസ്; ദിലീപിന്റെ സുഹൃത്ത് അറസ്‌റ്റിൽ
