പത്തനംതിട്ട: ജില്ലയിലെ അടൂരിൽ കാറുകൾ തമ്മിൽ കൂട്ടിയിടിച്ച് ദമ്പതികളും മകനും മരിച്ചു. മടവൂർ സ്വദേശികളായ രാജശേഖര ഭട്ടതിരി(66), ഭാര്യ ശോഭ(63), മകൻ നിഖിൽ രാജ്(32) എന്നിവരാണ് മരിച്ചത്. ഇന്ന് രാവിലെ 6.20ഓടെയാണ് അപകടം നടന്നത്.
രാജശേഖര ഭട്ടതിരിയും ശോഭയും സംഭവസ്‌ഥലത്തു വച്ചു തന്നെ മരിച്ചിരുന്നു. എന്നാൽ അപടകസ്‌ഥലത്ത് നിന്നും ഗുരുതര പരിക്കുകളോടെ നിഖിൽ രാജിനെ കോട്ടയം മെഡിക്കൽ കോളേജിൽ എത്തിച്ചിരുന്നു. തുടർന്ന് ചികിൽസയിൽ കഴിയുന്നതിനിടെയാണ് നിഖിൽ രാജ് മരിച്ചത്.
മരിച്ച കുടുംബം സഞ്ചരിച്ച കാർ അടൂർ ഭാഗത്തേക്ക് വരികയായിരുന്നു. ഇത് എതിരെ കൊച്ചിയിൽനിന്ന് ചടയമംഗലത്തേക്കു പോവുകയായിരുന്ന കാറുമായിട്ടാണ് കൂട്ടിയിടിച്ചത്. അപകടത്തിൽ പരിക്കേറ്റ ചടയമംഗലം സ്വദേശികളായ 4 പേർ നിലവിൽ ചികിൽസയിൽ കഴിയുകയാണ്.
Read also: വനംവകുപ്പിലെ ബോട്ട് വാങ്ങൽ അഴിമതി; കേസെടുക്കാൻ ഉത്തരവിട്ട് വിജിലൻസ് കോടതി
